Yekun xəbərlər 27.07.2021 Bu ərazilər NƏZARƏTİMİZƏ KEÇƏCƏK - Orduya VACİB ƏMR

Dövlət Təhlükəsizliyi Xidməti dövlətin ordu quruculuğu sahəsində qanunla qorunan mənafelərinə zərər vuran, hakimiyyət orqanlarının fəaliyyətinə kölgə salan cinayət əməllərinə qarşı mübarizə tədbirlərini davam etdirir.
Publika.az DTX-nin mətbuat xidmətinə istinadən xəbər verir ki, Vətən müharibəsi iştirakçısı olan hərbi qulluqçulara dövlət tərəfindən müəyyən edilmiş maddi təminatların ödənilməsinə görə bəzi vəzifəli şəxslərin rüşvət almalarına dair əldə olunmuş məlumatlar əsasında Dövlət Təhlükəsizliyi Xidməti tərəfindən kompleks araşdırma tədbirləri həyata keçirilmişdir.
Faktla bağlı başlanılmış cinayət işi üzrə Silahlı Qüvvələrin Baş Klinik Hospitalının bölmə rəisi Eyvazov Vüsal Qorxmaz oğlunun xidməti vəzifələrinin icrası zamanı həmin Hospitalın digər əməkdaşı Ağayev Hüseyn İlham oğlunun vasitəsilə çoxsaylı hərbi qulluqçuların hər birindən onlara dövlət tərəfindən birdəfəlik sosial sığorta müavinətinin ödənilməsi üçün Vətən müharibəsində aldıqları xəsarət dərəcələrinin təyin edilməsi müqabilində pul vəsaitlərini rüşvət qismində istəyərək almasına əsaslı şübhələr müəyyən edilmişdir.
Keçirilmiş kompleks əməliyyat-istintaq tədbirləri nəticəsində Vüsal Eyvazov və Hüseyn Ağayev cinayət başında yaxalanmışlar. Vüsal Eyvazov Azərbaycan Respublikası Cinayət Məcəlləsinin 311.3.2 (vəzifəli şəxs tərəfindən təkrar rüşvət alma), Hüseyn Ağayev 32.5, 311.3.2 (təkrar rüşvət almada iştirakçılıq) və digər maddələri ilə təqsirləndirilən şəxs qismində məsuliyyətə cəlb edilərək barələrində məhkəmənin qərarı ilə həbs qətimkan tədbiri seçilmişdir.
Hazırda cinayət işi üzrə araşdırmalar davam etdirilir.
Ordumuzun qəhrəman əsgərlərindən biri işğaldan azad edilən ərazidə video çəkib.
Guninfo.az xəbər verir ki, video qısa müddətdə bütün sosial şəbəkələrdə ən çox izlənilənlər siyahısına daxil olub.
Yayımlanan videoda ermənilərin gizləndiyi müşahidə postu görüntülənib.
Azərbaycanın Qarabağ iqtisadi rayonunun bir hissəsində müvəqqəti olaraq yerləşən Rusiya sülhməramlıları Ağdərə rayonunun Sırxavənd müşahidə məntəqəsində təlim keçiriblər.
Axar.az xəbər verir ki, bu barədə Rusiya Müdafiə Nazirliyi məlumat verib.
Təlim məntəqələrində dərs keçən rus zabitləri hərbi qulluqçulara ərazini tərk etmə, avadanlıqları yükləmə, müxtəlif manevr, taktiki hərəkətləri açıq şəkildə nümayiş etdiriblər.
Təlim məntəqələrindən birində bölük komandirlərinə təqlid vasitələrindən istifadə edərək pozuntuların və posta mümkün hücumun qarşısını almaq kimi praktik hərəkətlər də göstərilib.
S.Qriqoryan sol sinə nahiyəsindən atəş açaraq intihar edib.
Bu barədə Ermənistan İstintaq Komitəsi məlumat yayıb.
Xatırladaq ki, 10 noyabr 2020-ci il üçtərəfli bəyanatına əsasən, erməni hərbi birləşmələri rus sülhməramlılarının yerləşməsi ilə Azərbaycan ərazisindən çıxmalıdır. Bu vaxta qədər Azərbaycan ərazisindən çıxmayan erməni hərbçiləri qanundankənardır və terrorçu sayılır.
İrəvan Zəngəzura gedən əsas “H-46” (M2) maqistral yolunun təmirinə 2020 ilin əvvəlində dövlət büccəsindən ayrılan pulları alternativ yolların yenidənqurulmasına yönəldir. Bu artıq konkret olaraq əsas strateji yol da daxil olmaqla, bütün Zəngəzurun Azərbaycanın nəzarətinə keçəcəyi deməkdir.
Axar.az xəbər verir ki, bu fikirləri erməni ekspert, iqtisadçı Milena Qasparyan bildirib.
Onun sözlərinə əsasən, Zəngəzura gedən əsas yolun təmirinə bir il bundan öncə 1 millyard dram pul ayrılmışdı.
“Hazırda bu vəsait alternativ yolların bərpasına yönəldildi. Yəni bizim dövlət “H-46” (M2) yolundan əlini üzdü”, - deyə Qasparyan qeyd edib.
Son günlər “patı” bəlası əsas müzakirə mövzularından biridir. Bu məhsulun ölkə daxilində istehsal edilməsi ilə bağlı da müxtəlif fikirlər var.
Dünya Azərbaycanlıları Assambleyasının rəhbəri Rəşad Quliyevin Almaniya hökumətindəki mənbələrdən əldə etdiyi məlumata görə, Azərbaycanda bəlaya çevirlən “patı” Xankəndidə hazırlanır. Alman kəşfiyyatının bununla bağlı dəqiq informasiya əldə etdiyi bildirilir. Ermənilər 44 günlük Vətən müharibəsi zamanı Azərbaycan gəncliyinin döyüş ruhu qarşısında rüsvayçı şəkildə məğlub olduqlarını həzm edə bilmirlər. Bu səbəbdən də gəncləri zəhərləməklə qisas almaq planını işə salıblar.
Mənbənin bildirdiyinə görə, Xankəndidə “Patı” istehasl edib Azərbaycana ötürürlər. Bunu isə İran vasitəsilə həyata keçirirlər.
Mənbə bildirib ki, əvvəllər “patı” istehsalını Zəngilanda həyata keçirirmişlər. Zəngilan işğaldan azad edildikdən sonra isə, bu işi Xankəndidə davam etdirirlər.
Qeyd olunur ki, Xankəndiyə xarici ölkələrdən tez-tez maşınlar gəlir, bəzi hallarda nömrələr dəyişdirilir.

Видео Yekun xəbərlər 27.07.2021 Bu ərazilər NƏZARƏTİMİZƏ KEÇƏCƏK - Orduya VACİB ƏMR канала Musa Media