Yaşar Nuri - Tarixə damğa vuran 10 sözü

Dəstək olmaq üçün kanala Abunə ola bilərsiniz

Sosyal medya hesaplarım
Facebook:https://www.facebook.com/sabuhi.pirizade
İnstagram:https://www.instagram.com/sabuhi.pirizade
Twitter:https://twitter.com/pirizade_sabuhi

Yaşar Nuri
Yaşar Məmmədsadıq oğlu Nuriyev 1951-ci il sentyabr ayının 3-də Bakıda doğulub. Yaşar Nuriyev 1968-ci ildə Azərbaycan Dövlət İncəsənət İnstitutunun dram və kino aktyorluğu fakültəsinə daxil olub. Kurs rəhbərləri, tanınmış səhnə xadimləri Rza Təhmasib və Əliheydər Ələkbərovdan aktyorluq sənətinin incəliklərini öyrənib.
1974-cü ildə Akademik Milli Dram Teatrının baş rejissoru Tofiq Kazımovun dəvətilə bu kollektivin aktyor truppasına qəbul olunub. Yaşar Nuriyev Milli Dram Teatrında işlədiyi gündən indiyədək repertuarda olan bir çox tamaşalarda iştirak edib:
- Siva («Övlad», A.Vampilov),
- Kürd Musa («Vaqif», S. Vurğun),
- Sərsəm Salman («Dəli yığıncağı»),
- Məşədi Oruc («Ölülər», C. Məmmədquluzadə),
- Əbdüləli bəy, («Sevil», C. Cabbarlı),
- Altunbay («Od gəlini», C. Cabbarlı),
- Bayandur («Büllur sarayda», İlyas Əfəndiyev),
- Davud («Bizim qəribə taleyimiz», İlyas Əfəndiyev),
- Rəhman («Fəryad», B. Vahabzadə),
- Səlim («Yollara iz düşür», B. Vahabzadə),
- Şahbaz («Hara gedir bu dünya», B. Vahabzadə),
- İsgəndərzadə («Ah, Paris… Paris!..», Elçin),
- Şöbə müdiri («Mənim sevimli dəlim», Elçin),
- Tanrıqut («Sokratı anma gecəsi», Ç. Aytmatov və M. Şahanov),
- Yoldaş Əmrah («Bu dünyanın adamları», H, Orucov),
- Sərsəri («Kəllə», N.Hikmət),
- Kommunist partiyasının lideri («Hərənin öz payı», X. Qoca)
- Nəcəf («Brüsseldən məktublar», H. Nəsənov),
- Xandəmir («Afət», Hüseyn Cavid),
- Ağamusa Nağıyev («Mesenat», Ə.Əmirli),
- Kürən («Xəcalət», H.Mirələmov) və s.
Teatr aktyoru kimi görkəmli sənətkar olan Yaşar Nuriyev həm də məşhur kino ustasıdır. Onun böyük populyarlıq qazandığı çoxlu ekran obrazları var. Vaqif Mustafayevin çəkdiyi «Yaramaz» bədii filmindəki Maşallah roluna görə Azərbaycan Respublikasının Dövlət mükafatı laureatı adına layiq görülüb.
Azərbaycan Dövlət Televiziyasında hazırlanmış yüzdən çox tamaşada, bədii kompozisiyada, satirik səhnəciklərdə iştirak edib. Onun əsasən baş rolları ifa etdiyi:
- Ruhəngiz Qasımovanın «Qonşu, qonşu olsa…» (on bir müxtəlif tip), - «Yollar görüşəndə» (Yaşar),
- İsi Məlikzadənin «Qatarda» (Dadaşov),
- Anarın «Evləri köndələn yar» (Surxayzadə),
- Hüseyn Cavidin «Topal Teymur» (Cücə),
- Mövlud Süleymanlının «Kökdən düşmüş piano» (Nəriman),
- Üzeyir Hacıbəyovun telenovellaları əsasında «Ordan-burdan» (Fotoqraf Əli bəy),
- Mehdi Hüseynin «Alov» (Bədəl),
- Ənvər Məmmədxanlının «Şərqin səhəri» (Nəcəf dayı),
- Anatoli Dudarevin «Astana» (Andrey Buslay),
- Aslan Qəhrəmanovun «Bağışla»,«Səni axtarıram»,
- «Səndən xəbərsiz» (Elçin) trilogiyası,
- Anarın «Nigarançılıq» (Qurbanəli bəy) və s.əsərlərinin teletamaşaları televiziyanın fondunda daimi sənət nümunələri kimi qorunur.
Teatr sənətində böyük uğurlara görə Yaşar Nuriyev Azərbaycan Respublikasının Lenin Komsomolu (1984), «Qızıl dərviş» (1992 və 1996) mükafatları laureatıdır.Səhnədə və ekranda yaratdığı parlaq obrazlara görə 1981-ci ildə Azərbaycan Respublikasının Əməkdar Artisti, 1989-cu ildə Xalq Artisti fəxri adlarına layiq görülüb.
Prezident təqaüdçüsüdür.
Qara ciyər serrozundan əziyyət çəkən Yaşar Nuri 2007-ci il dekabrın 3-də səhhətində yaranmış problemlə bağlı Mərkəzi Neftçilər Xəstəxanasına müraciət etmişdi. Daha sonra Nuri xəstəliyi ilə əlaqədar olaraq fevralın 9-da Türkiyəyə aparılıb. Elə həmin gündən müxtəlif müayinələrdən keçib.
22 Noyabr 2012 ci ildə isə Bakıda doğulduğu yerde vəfat edərək haqqın rəhmətinə qovuşmuşdur.
Allah rəhmət etsin.

Видео Yaşar Nuri - Tarixə damğa vuran 10 sözü канала Sabuhi Pirizade