Flight near Telavi, Georgia | Relaxing Music Along With Beautiful Nature Videos | DJI Mini 2

Relaxing Music Along With Beautiful Nature Videos | DJI Mini 2

(Ge) თელავთან ახლოს, მდინარე თურდოს ხეობაში, სასტუმრო კომპლექსის - "შატო მერე"-ს მოპირდაპირედ, ციცაბო კლდეზე, 70-80 მეტრის სიმაღლეზე მოჩანს გამოქვაბულები.
სპეციალისტების აზრით ეს გამოქვაბულები ხელოვნურია და დაახლოებით 1600 წლის წინაა კლდეში გამოკვეთილი. ამ გამოქვაბულებზე საჯარო სივრცეში ძალიან მწირი ინფორმაცია მოიპოვება, თუმცა თურდოს ხეობაზე უძველესი დროიდან გადიოდა "ფასის-ჰირკანიის“ მაგისტრალის ერთ-ერთი განშტოება, რომელიც სამეცნიერო ლიტერატურაში ცნობილია "ჰერეთის შემოვლითი გზის“ სახელწოდებით, მდინარე თურდოს ხეობაში არქეოლოგიური ფენების მნიშვნელოვანი ნაწილი ჯერ კიდევ ხელუხლებელია და მომავალში ბევრ საინტერესო აღმოჩენას უნდა ველოდოთ.
...ცივ გომბორის მთის კალთაზე, თელავიდან 6-7 კილომეტრის მოშორებით, ტყეში მდებარეობს შუამთის სამონასტრო კომპლექსი. კომპლექსის ყველაზე ძველი ტაძარი - მეხუთე საუკუნის ბაზილიკაა. მასთან ერთად კიდევ ორი მეშვიდე საუკუნის გუმბათოვანი ეკლესიაა. სამივე ეკლესია რიყის ქვითაა ნაგები. სამწუხაროდ, ტაძრის მხატვრობის ფრაგმენტები თითქმის არაა შემორჩენილი. აღსანიშნავია, რომ კახეთშია შემორჩენილი ქრისტიანობის ადრეული პერიოდის ხუროთმოძღვრების ყველაზე მეტი ნიმუში.
შუამთის ძველი მონასტერი მეთექვსმეტე საუკუნეში დაცარიელდა. მის მახლობლად, კახეთის მეფის ლევან მეორეს მეუღლემ, თინათინ გურიელის ასულმა დააარსა შუამთის ახალი მონასტერი, რომელშიც აღიკვეცა მონაზვნად და ამავე მონასტერშია დაკრძალული.
შუამთის ძველი სამონასტრო კომპლექსის უფრო ვრცელი და სრული აღწერა შეგიძლიათ იხილოთ ბმულზე: http://www.saunje.ge/index.php?id=401&lang=ka

Blog ➜ https://mobilisinmobilige.blogspot.com/

© YouTube/AraGviani
#kakheti #telavi #shuamta #Georgia #AraGviani

Видео Flight near Telavi, Georgia | Relaxing Music Along With Beautiful Nature Videos | DJI Mini 2 канала AraGviani