සීත හිමේ සිරිපා කරුණා/sitha hime siripa karuna (adam's peak) සිරීපදය (සුදුTH එක්ක travel 👣 )

ශ්‍රීපාද අඩවිය කියන්නෙ හාස්කම් තියෙන පූජනීය බිමක් කියලා අපි හැමෝම දන්නවා. අපි කට කතා, ජනප්‍රවාද අහලා තියෙනවා. ඒ වගේම සමහර අයට මේ සිරිපාදෙ හාස්කම් ගැන අත්දැකීමුත් ඇති. සිරිපා අඩවිය ගැන විස්තරත් එහෙම අත්දැකීම් ගැනත් අපි බලමු.

ලංකාවේ වංශකතාවෙ කියන විදියට බුදුහාමුදුරුවො තුන්වැනි වතාවට ලංකාවට වැඩි විට ශ්‍රී පාද කන්ද මුදුනේ ශ්‍රී පතුල පිහිටුවීමට සමන් දෙවියන්ගෙ ආරාධනා කරලා. බුදුහාමුදුරුවන්ගෙන් බණ අහලා සෝවාන් වුන සුමන සමන් දෙවියා මරණින් පසු දේවත්වය ලබා සමනල කන්ද මුදුනට හා ශ්‍රී පාද අඩවියට අරක්‌ ගෙන ඉන්නවා.

අඩි 7360 ක්‌ උස ශ්‍රී පාද කඳුවැටියට පරිවාර කඳු ගොඩක් තියෙනවා. ඒවගෙන් කීපයක් තමා. බෑන සමනල, ගවරවෙල, කුණුදිය පර්වතය කියන්නෙ. ප්‍රධාන ගංගා ශ්‍රී පාද කඳුවැටියෙන් උපත ලබනවා. ඒවා තමා වලවේ ගඟ ශ්‍රී පාදයේ එක්‌ බෑවුමක්‌ කෙළවර ඇති වලේබඩ සිට ද කැලණි ගඟ මස්‌කෙළිය ඔය හා සීත ගඟුල ආශ්‍රයෙන් ද, රත්නපුර බෑවුමෙන් කළු ගඟ.

1950 ශ්‍රී පාදයට විදුලිබලය දීමේ සිහිවටනයක්‌ විදයට මකර තොරණ හැදුවා. ශ්‍රීපාද කඳු මුදුනින් ගලාගෙන එන සීත මහා ගඟුල් හා කුඩා සීත ගඟුල් සීත ගඟුලේදී එකට එකතු වෙනවා. ඈත අතීතෙ ශ්‍රී පාද කන්ද විදාරණය වෙලා අක්‍රිය වුන යමහලක්‌ කියලත් කියවෙනවා. අතීතයෙ ශ්‍රී පාදය වර්ණනා කරල ලියලා තියෙන “පාලි සමන්තකූට වර්ණනා” කාව්‍ය අනුව ශ්‍රී පාද අඩවියේ සියලු ගස්‌වැල් ශ්‍රීපාද පද්මය දෙසට නැමී ඇති බව කියවෙනවා.

ශ්‍රී පාද වන්දනා කාලය උඳුවප් පෝයෙන් ආරම්භ වෙලා වෙසක්‌ පෝයෙන් ඉවර වෙනවනේ. ඉතුරු කාලය අවාරෙ. අවාර කාලෙට දැඩි වර්ෂාව, සැඩ සුළං, , දැඩි සීතල , කුණාටු, පියගැට දිගේ ගලා එන දැවැන්ත ජල ධාරා, අකුණු ගැසීම්, ගස්‌ ගල් කඩා වැටීම්, වෙනවා. මේ කාලෙට සිරිපතුල වදින්නෙ සත්තු.

මේ කාලෙට ලස්සන දේවල් සිරිපාදෙ අවට පරිසරෙ දකින්න පුළුවන්. බලන අපිට ලස්සන වුනාට සමහර මිනිස්සුන්ට නම් ඒ දේවල් ලස්සන නෑ. එ් වතු කම්කරුවෝ. වතු කම්කරුවන්ට සිරිපාද අවාර කාලෙ කියන්නෙ හරිම අමාරු කාලයක්.

වන්දනා කාලයේදී නල්ලතන්නිය (ඩෙල්හවුස්‌ නැත්තම් සීතගඟුල් කඩමණ්‌ඩිය) රෑ දවල් වන්දනාකරුවන්ගෙන් පිරී යනවා. අවාරයට නල්ලතන්නිය කඩමණ්‌ඩියේ සමුපකාර උප තැපැල් කාර්යාලය හැර මුළු කඩමණ්‌ඩියම මාස හයකට වැහෙනවා. ඒ කාලෙට නල්ලතන්නියෙ ඉදන් මකර තොරණ දක්‌වා සියල්ලම පාළුවට යනවා. මකර තොරණ දක්‌වා විහිද ගිය තේ වතුවල කම්කරුවෝ මහ වැස්ස, සීතල, පින්න මැද තේ වතුවල වැඩ කරනවා.

ඒ වගේම තමා මේ කාලෙට එක දිගට දින ගාණක්‌ වැස්ස වහින නිසා පැත්තම කළුවරයි. මන්දාරම් ගතිය. ඒ තද සීතලට ඇඟ වෙව්ලනවා. අවාරයේ නල්ලතන්නි කඩමණ්‌ඩියට පවා දිවියො එනවා. මකර තොරණ අවට වන සත්තු නිදැල්ලේ ඇවිදිනවා. තවත් ලස්සන දර්ශනයක් තමා වන්දනා කාලය තුළ ඈත කැලෑ රොදවල් වල ගැවසෙන ශ්‍රීපාද අඩවියේ කුරු අලි රංචු. ඒ කාලෙට උන් වැඩිපුර ඉන්නෙ සප්ත කන්‍යා කඳු පාමුල හා අවට ප්‍රදේශවල.

අවාරයේ කුරු අලි රංචු හා එයට එක්‌වෙන තවත් අලි පඩිපෙළ දිගේ ශ්‍රී පාදය මුදුනට පවා යනවා. සාම චෛත්‍යයේ ජපන් භික්‍ෂුන්වහන්සෙලා ඉර උදාවෙද්දි රබන් වාදනය කරමින් ස්‌තෝත්‍ර කියමින් දිනපතාම ශ්‍රී පාද කන්ද තරණය කරනවා

Видео සීත හිමේ සිරිපා කරුණා/sitha hime siripa karuna (adam's peak) සිරීපදය (සුදුTH එක්ක travel 👣 ) канала Suduth ekka Travel 👣