VACİB MƏLUMAT! Ermənilər Laçından Çıxandan Sonra BAŞLANACAQ

#Lacin #Azerbaycan #Qarabag
"Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz:
(+994) 55-554-58-83
İndi hər kəsi düşündürən suallardan biri də işğaldan azad olunan ərazilərimizdə iş imkanlarıyla bağlıdır. Həmin ərazilərdə hansı sahələr üzrə işçilərə ehtiyac olacaq?
Siz bir bax kanalındasınız. Diqqətiniz bizdə olsun!
İndi isə Müzəffər Azərbaycan Ordusunun qəhrəmanlığı nəticəsində bu ərazilərin hamısı işğaldan azad edilib. Azərbaycan Prezidenti İlham Əliyev dəfələrlə bildirib ki, azad olunan ərazilər ilk öncə minalardan təmizlənəcək, daha sonra əhalinin yaşaması üçün infrastruktur qurulacaq, ərazinin iqtisadiyyatı bərpa olunacaq. Bu isə ölkənin aqrar sektoruna mühüm təkan verə bilər. Belə ki, Kəlbəcər-Laçın və Yuxarı Qarabağ iqtisadi rayonlarının iqtisadiyyatının əsasını kənd təsərrüfatı təşkil edib. Regionda əsasən əhali bitkiçilik məhsllarından üzümçülük, taxılçılıq, meyvəçilik və tütünçülüklə məşğul olsa da, təsərrüfatlarda tərəvəz, kartof və bostan məhsulları da yetişdiriblər. Regionda yaşayan əhalinin mühüm hissəsinin əsas məşğuliyyəti heyvandarlıq olub. Dağlıq Qarabağ və ətraf rayonlarda yaşayan kəndlilər heyvandarlıq məhsullarından ət, süd, yumurta, bal, yun və sair kənd təsərrüfatı məhsulları istehsal ediblər.
İşğal olunmuş ərazilər işğaldan əvvəl Azərbaycanda istehsal edilən kənd təsərrüfatı məhsullarının 35-40 faizə qədərini təmin edirdi. azad olunan ərazilər kənd təsərrüfatının inkişafı baxımından böyük potensiala malikdir. Bu qədər torpaq ərazilərinin yenidən istifadəyə verilməsi bölgədə yaşayan əhalinin sosial durumunun yaxşılaşdırılmasında və ümumilikdə respublikanın kənd təsərrüfatının inkişafında əhəmiyyətli rol oynaya bilər. Buna görə də bir sıra mütəxəssislər təklif edirlər ki, Azərbacan hökuməti Kəlbəcər-Laçın və Yuxarı Qarabağ iqtisadi rayonlarının sosial-iqtisadi inkişafı ilə bağlı xüsusi dövlət proqramı hazırlasın.
Bir tərəfdən söhbət böyük ərazilərin yenidən ölkənin torpaq fonduna qaytarılmasından gedir. Digər tərəfdən isə həmin torpaqların əhəmiyyətli hissəsi yüksək münbitliyə malik məhsuldar torpaqlardır. Məsələn, Aran Qarabağın ən böyük rayonlarından biri olan Ağdamın torpaqlarının 92 faizindən çoxu məhsuldar torpaqlardır. Yaxud Füzuli rayonunda torpaqların 90 faizindən çoxu məhsuldardır. O cümlədən digər işğaldan azad olunan rayonlarımızda da məhsuldar torpaqlar üstünlük təşkil edir. Yəni azad olunmuş ərazilərin mühüm hissəsi həm bitkiçiliyin, həm də heyvandarlığın inkişafı üçün əlverişli torpaqlardan ibarətdir”.
Artıq hər bir rayon üzrə vəziyyətin qiymətləndirilməsi, imkanların müəyyənləşdirilməsi üçün işlərə başlanıb. O cümlədən hansı ərazidə hansı sahələrin inkişaf etdirilməsi məsələsi dəqiq müəyyənləşdiriləcək. Məsələn, Zəngilan-Qubadlı-Laçın-Kəlbəcərdə heyvandarlığın inkişafı üçün çox əlverişli imkanlar var. Ağdam-Füzuli-Cəbrayılda isə əkinçilik üçün imkanlar daha genişdir. Elə rayonumuz var ki, hər iki sahənin inkişafı üçün geniş imkanlar var. Bu baxımdan, hər bir rayon üzrə ayrıca qiymətləndirilmə aparılacaq, hansı sahələrdə inkişaf perspektivi daha yüksəkdir, həmin sahələrin dirçəldilməsi istiqamətində işlərə başlanacaq”.
Kəlbəcər-Laçın və Yuxarı Qarabağ iqtisadi rayonlarında aqrar sahənin inkişafı nəticəsində Azərbaycanın ixrac imkanları artacaq. Bu gün bizim qeyri-neft ixracatımızda aqrar məhsullar mühüm yer tutur. Azad olunan ərazilərdə kənd təsərrüfatının bərpası, inkişafı bu payı daha da artıracaq. Məsələn, Füzuli rayonu pambıq, üzüm istehsalında yüksək nəticələrə malik idi. O cümlədən Ağdamda üzüm, pambıq və taxıl istehsalında uğurlar böyük idi. İşğaldan azad olunmuş rayonların su ilə təchizat imkanları da genişdir. Bu rayonlarda istehsalın bərpası aqrar məhsulların ixracı, emalı sahəsində yüksək artıma səbəb ola bilər”.
“Eyni zamanda bu, məşğulluğun təmini baxımından da ciddi müsbət effekt verəcək. Düşünürəm ki, hökumət azad olunmuş ərazilərdə kənd təsərrüfatının bərpasını əsas prioritetlərdən biri kimi görür və yaxınmüddətli dövrdə bu sahədə ciddi proseslər başlanacaq”.

Видео VACİB MƏLUMAT! Ermənilər Laçından Çıxandan Sonra BAŞLANACAQ канала Bir Bax