ԳԱԼԱ Հեռուստաընկերություն | «Հետքերով որբերի հայոց» Նկարների ցուցադրություն Գյումրիում

Այնուհետև դեսպանը հանդիպել է Շիրակի մարզպետի հետ, նրա հետ զրուցել մարզի հիմնախնդիրների շուրջ, իսկ ավելի ուշ՝ Գյումրու «Թռչունյան» տանը մասնակցել նկարների ցուցադրության: «Հետքերով որբերի հայոց». այսպես է կոչվել կազմակերպված ցուցադրությունը: 1915 թվականի դեպքերից հետո որբացած հարյուր հազարավոր հայ մանուկներ են վտանգից փրկվել դաշնակից ուժերի տարբեր զինվորականների, կամավոր փրկարարների ջանքերով, ովքեր նախ տեղափոխվել են ապահով վայրեր, իսկ 1918 թվականի զինադադարից հետո՝ Հայաստանի, Լիբանանի, Սիրիայի, Եգիպտոսի, Կիպրոսի, ԱՄՆ տարբեր որբատներ: Միջոցառման բանախոսներից Նարեկ Հարությունյանը մեր լրագրողի հետ զրույցում նշել է, թե միայն Գյումրու որբանոցներում 1916-1929 թվականներին հայերի և ամերիկացիների համատեղ ջանքերով հասակ են առել ավելի քան 3000 որբ երեխաներ: Նրանք կրթվել ու դաստիարակվել են, արհեստներ սովորել և այդպիսով կյանք մտել մանկատներում, որոնցից ամենամեծը այդ տարիներին «Որբերի քաղաք» հռչակված Ալեքսանդրապոլի որբանոցն է եղել: Միջոցառման մասնակիցներն այնուհետև դիտել են Հայոց մեծ եղեռնի մասին պատմող փոքրիկ ֆիլմ:
----------
Naregatsi Art Institute | Your Culture Connection
http://www.naregatsi.org

Видео ԳԱԼԱ Հեռուստաընկերություն | «Հետքերով որբերի հայոց» Նկարների ցուցադրություն Գյումրիում канала Naregatsi Art Institute