2018-Cİ İLDƏ ÖVLADI OLAN MƏŞHURLARIMIZ

Geridə qoyduğumuz 2018-ci il şou-biznesdə bir çox hadisələrlə yadda qalıb. Bu il ailə quranlar, konsert verənlər, klip çəkdirənlər az olmadı. Eyni zamanda da valideyn statusu qazananlar az olmayıb. 2018-ci ildə övlad sahibi olan məşhurların siyahısını təqdim edirik:

Aktyor İlkin Həsəni və Aysel cütlüyünün qızı Alisa dünyaya gəlib. Körpə martın 18-də doğulub.

Rəqqasə Oksana Rəsulova da bu il ana olan məşhurlandandır. O, övladına Osman adını qoyub.

Azərbaycan millisinin şahmatçısı Şəhriyar Məmmədyarov da 2018-ci ildə ata oldu.

Vasif Əzimovun dekabr ayında qızı dünyaya gəlib. İfaçı bu ilin martında ailə qurub.

Aktyor Elşən Orucov və İlahə cütlüyünün də dekabr ayında qızı doğulub. Onların da toyu martda baş tutub.

Əməkdar artist Babək Niftəliyev noyabrda üçüncü dəfə oğul atası olub.

Müğənni Rəqsanə İsmayılovanın oktyabrda əkiz övladları dünyaya gəlib. İfaçı oğluna Muhammed, qızına Mehrimah adını qoyub.

Əməkdar artist Abbas Bağırov ata oldu. Müğənninin oğlu dünyaya gəlib. Bu, Abbasın ikinci evliliyindən ilk övladıdır.

Aparıcı Aytən Səfərova üçüncü dəfə ana olub. Aparıcının hazırda bir qızı, iki oğlu var.

Müğənni Elvin Abdullayevin ikinci dəfə oğlu dünyaya gəlib. O, övladına Səid adını verib. Afət adlı xanımla ailə quran Elvinin Tuncay adlı bir oğlu da var.

Bu il övladı dünyaya gələn məşhurlardan biri də müğənni Rilaya Hüseynzadədir.

Aparıcı Samirə Rəhimova isə ikinci dəfə oğul anası olub. O, psixoloq Kənan Rəhimovla evlidir.

Nərmin adlı xanımla ailə quran müğənni Xəyyam Nisanovun isə bu ilin iyulunda qızı doğulub.

Aparıcı Azər Zahid ikinci dəfə ata oldu. Aparıcının oğlu dünyaya gəlib. Körpəyə Uğur adı qoyulub.

Müğənni Vaqif Nağıyevin də oğlu dünyaya gəlib. O, övladına Alan adını qoyub. Vaqif Elmira adlı xanımla ailəlidir.

Aparıcı Rəşad Mehdili də bu il ikinci dəfə ata olub. O, oğluna Ranel adını verib. Aparıcının Elina adlı bir qız övladı da var.

Aktyor-aparıcı İlham Qasımovun iyulda ikinci övladı doğulub. İ.Qasımov Ayla adlı xanımla ailəlidir.

“Neftçi”nin kapitanı Ruslan Abışov avqustda ata olub. Nərgiz adlı xanımla evli olan Ruslanın qızı dünyaya gəlib.

Видео 2018-Cİ İLDƏ ÖVLADI OLAN MƏŞHURLARIMIZ канала X - FAKTLAR