ЕРМАХАН ПАЗОР БОЛДЫ!

Ермахан Ибрайымов: «5 баланы сыртынан жауып кетіп қалу – нағыз түк көрмегендік» деп айды аспаннан бірақ шығарды.

Боксшы, халықаралық спорт шебері, Сидней Олимпиадасының жеңімпазы Ермахан Ибрайымов Нартай Аралбайұлына сұхбат беріп, біршама жерінде ауыздан авария болды. Боксшы үйден шыққан өрт салдарынан көз жұмған бес бүлдіршіннің ата-анасына қатысты пікірін айтудан да тартынбады. 

«Шынын айтқанда, бұл – өте өкінішті. Бүкіл Қазақстан дүр сілкінді. Әрекет жасаған кезде, үйден шығар кезде, барлық қауіпсіздікті қарастырып кетуі керек еді. Ең болмаса көршіге тапсырып кет, бірақ бес баланы түнде қалдырып кету деген енді... Туған-туыс бар, әке-шеше бар, соларға тапсырып кет. Шынын айтқанда, балаларға бұлай қарау – нағыз түк көрмегендік», - деді ол. 

Қайтеміз енді Ерекең секілді екінің бірі жағымпазданып депутат болып жатқан жоқ қой. 5 баланың атанасын  қай жағынан да кінәлай алмаймын. Күн көріс қамы. Көп балалы ананың жағдайы жасалмаған мемлекетте, тышқақ лақ та сатып ала алмайтын 42500 теңгені жырымдап беріп отырған мемлекетте, пәтерден пәтер ауыстырып, бес баласының ауызына қара су тамызып отырған мемлекетте қалайша жұмыссыз отырмақсың? бір күн қарекетсіз қалсаң аш қаласың Қазақстанда. Ерекең айтқандай көпшіліктің көйлегі көк, тамағы тоқ емес. Күн көріс үшін әр сат сайын 5 баланы өлтіре берсек неміз қалады ағайын. Билік осының жай жапсарын май шаммен неге қарастырмайды деп одан да шенділерге шамданбай ма батырсымақ Ермахан. Неге?

Нартай Аралбайұлы сұрақ қою барысында қыңыр сөйлеп, қытығына тиіп отырғанын да байқадым. Нартайдың бұлайша шамдануына "Жамболат Мамай менің жанымда ешкім емес","мен чемпионмын","Назарбаев алтын адам" деген сұрқия сөздері әсер етті. Сұхбатты көріп отырып Ермаханның саяси сауатының, адами құндылығының қаншалықты төмен екенін, соншалықты жағымпаз екенін байқадым.
Ол өзі үшін боксшы, өзі үшін чемпион. Халыққа оның көк тиын да пайдасы жоқ. Ел үшін еміреніп, жері үшін жаға жыртыспасы оның өзі де ешкім емес. Жер ортасы жастан асқаннан кейін жалпы жұртқа мұншалықты жеккөрінішті болғаны өте өкінішті.

Бірде старшын болып сайланған біреу Мәтжан биге келіп - Мен старшын болып сайландым. Қарауымдағы елге не айтсам дұрыс болады? - деп ақыл сұрапты. Сонда Мәтекең - Сен ауызыңа не келсе соны соға бер, бәрібір сенікі дұрыс болады - деп жауап беріпті.

Арада, шамамен ғасыр өтті, заман өзгергенімен қазақтың болмысы  өзгермегені ме,қалай өзі..? Аузы қисық болса да байдың баласы сөйлесін деп депутат бола қалған, Назарбаевтың туфлиын махаббатпен жалаған, саясаттан да ғылымнан да хабары жоқ, Ерекеңнің сөзі жоғарыдағыларға өтімді болып тұрғаны қабырғамды қайыстырады

Айтпаса сөздің атасы өледі. Білген дұрыс арнасында жұмыс істеп жүрген шағымда небір дүбәрә шенділерді шайпау мәтініммен найзадай түйреп өтуші едім. Сай сүйекті сырқырататын ащы сөздерімнің  кейбірі иесін тауып қауып алатын, енді біреуі халықтың құрышын қандыратын. Көптен бері азаматтық позициямды білдірмей кетіп едім. Бүгін ағымнан жарылдым

Құрметті көрермендер видеомызға лайк басып, арнаға тіркеліп, қасында шыққан қоңыраушаны баса кетіңіздер. Алда әлі талай қызықты видеоларды бірге тамашалайтын боламыз.

Арна авторы білген дұрыс арнасының бұрынғы мәтіншісі Бағжан Бақбергенұлы
Сіз үшін ню қазақ арнасы

Видео ЕРМАХАН ПАЗОР БОЛДЫ! канала KÓRGEN DURYS (КӨРГЕН ДҰРЫС)