Ұлттық ұланның сарбаздары жауынгерлiк міндетін жаңа формада атқарады

Бүгін сарбаздарға қошқыл-көк түсті киім тапсырылды. Отандастарымыз Ұлттық ұлан жауынгерлерін енді өзге әскерилерден еш қиындықсыз ажырата алатын болды.

Достық Талғатұлы, тілші

-Ұлттық ұланның Астана гарнизоны жаңа киім үлгісіне ауысты. Бұл форманы қоғамдық тәртіпті қамтамасыз ететін 1200 адам киді. Ол қалалық жағдайда жауынгерлік қызметті атқаруға өте ыңғайлы.

Бөгенбай Хамзин Отан алдындағы борышын Ұлттық ұлан сапында өтеу үшін Солтүстік Қазақстан облысынан 2 ай бұрын келді. Алғашқылардың бірі болып ол да жаңа форма алды. Сарбаз оны киюге асықты.

Бөгенбай Хамзин, 5573 әскери бөлімінің сарбазы

-Бүгін жаңа форма алдық. Сапасы жағынан барлығы келісімді, ыңғайлы. Өзіме ұнайды.

«Бұл форма «ЭКСПО-2017» халықаралық көрмесі қарсаңында арнайы тігіліп отыр. Мұндай киім үлгісіне Еуропаның барлық елдері көшкен. Сондықтан, ауқымды шара барысында біз де форма ауыстыруды жөн санадық», – дейді әскери бөлім басшылығы. Айта кеткен жөн киімдер Қарағанды мен Шығыс Қазақстан облыстарының тігін фабрикаларынан шығарылған.

Жандар Әшірбеков, ҚР Ұлттық ұлан 5573 әскери бөлімі командирінің міндетін уақытша атқарушы

-Бұл киімнің ерекшелігі көп. Алдындағы киім, мысалы, бас киімі оның алдында кепи болды. Ал қазіргіде бейсболка киілінеді. Алдыңғы формада белдігі бөлек жүретін. Мұнда белдігімен бірге бір комплект болып саналады.

Ұлттық ұлан сарбаздары алғашқы жарты жыл ішінде әкімшілік бұзушылық жасаған 9 мыңнан астам адамды ұстаған. Жалпы Қазақстан бойынша ұланның 5 мың сарбазы ішкі істер органдарымен бірлесіп, 19 қалада қоғамдық тәртіпті қамтамасыз етіп келеді. Жуық арада Алматы қаласының жауынгерлері де жаңа киім үлгісіне ауыспақ.

Авторлары: Достық Талғатұлы, Жәнібек Дәулетбек

Видео Ұлттық ұланның сарбаздары жауынгерлiк міндетін жаңа формада атқарады канала Khabar NEWS