Ўзбекистон: Кечирим сўра, дейишди, кечирим сўрадим – Artel ва бир видео можароси - BBC News O'zbek

31 август куни Troll.uz саҳифасида наманганлик моушн графика устаси Шавкат Эгамбердиев тайёрлаган ҳажвий ролик эълон қилинди.

Ролик «6 секунд» ёзуви туширилган такси машинаси, автомашина орқа ойнасида эса бир жуфт калта пайпоқ тасвиридан бошланади.

Сўнг тасвирда муаллиф Эгамбердиев елкасига кондиционер кўтарган ҳолда пайдо бўлади ва чўнтагидан пул чиқариб, уни ҳавога сочиб юборади.

Пуллар Cartel ва Brakfa номлари акс этган икки бино томон ҳаракатланади.

Cartel биносида эса «любая монополия хороша» ва «духа нет» жумлалари кўзга ташланади.

Сўнг Brakfa биноси томида бир эркак рақсга туша бошлайди.

Одамлар ушбу роликда Тошкент шаҳар ҳокими Жаҳонгир Ортиқхўжаев асос солган Artel ва Akfa компаниялари ҳамда сўнгги йилларда у томонидан тилга олиниб, халқ орасида оммалашиб кетган жумлаларга ишора қилинганини тезда англаб олдилар.

Воқеаларнинг ривожи эса, охирги пайтда Ўзбекистонда, халқ тили билан айтганда, «модага айланган» ҳолат билан якунланган: орадан атиги бир кун ўтиб, дизайнер узр сўраб чиққан.

Дизайнер бу видеони тайёрлаб хатога йўл қўйгани, бундай ишга қўл ургани ватанпарварликдан эмаслиги ҳақида гапирган.

Ушбу ҳолат жамоатчилик орасида кенг акс-садо бера бошлаган.

Ҳажвий видеони ўзининг саҳифаларида эълон қилган Troll.uzлойиҳаси асосчиси Умид Гафуров дизайнер Artel компанияси вакиллари босимига учрагани, улар Наманганга етиб бориб, Эгамбердиевни видео орқали кечирим сўрашга мажбур қилганларини таъкидлаган.

Би-би-си ҳолатни ўрганишга қарор қилди.

BBC News O'zbek янгиликлар каналига хуш келибсиз!

#bbcuzbek Ўзбекистон, (Узбекистан - Uzbekistan - O'zbekiston) Марказий Осиё ва дунё бўйлаб юзлаб мухбирларимиздан келадиган видео янгиликлар ҳар куни мана шу каналда. Нафақат янгиликлар, балки қизиқарли воқеалар, санъат, мусиқа, маданият ва тарих ҳақида бетакрор видео фильмлар учун ҳам каналимизга аъзо бўлинг - https://www.youtube.com/user/bbcuzbek
Вебсаҳифамиз - bbcuzbek.com
Facebook: https://www.facebook.com/bbcnewsuzbek
OK.RU: https://ok.ru/bbcuzbek
Instagram: https://www.instagram.com/bbcuzbek/
Telegram: https://t.me/bbcuzbek
BBC News O'zbek - BBC News O'zbek tilida, onlayn, TV va ijtimoiy tarmoqlarda

Видео Ўзбекистон: Кечирим сўра, дейишди, кечирим сўрадим – Artel ва бир видео можароси - BBC News O'zbek канала BBC Uzbek