Бас санитардың болжамы: тамыз айында ковид жұқтырғандар саны көбейеді

Тамыз айында коронавирус жұқтырғандар саны көбейеді. Бұл еліміздің бас санитар дәрігері Айжан Есмағамбетованың болжамы. Оның айтуынша, тамыз айында бір тәулікте 4 мыңға жуық адамнан коронавирус анықталуы мүмкін. Ал, қыркүйекте аурудың таралу қарқыны бәсеңдейді дейді. Бас санитар дәрігердің ақпаратынша, соңғы аптада ауырған адамдардың 70 %-ы Алматы, Нұр-Сұлтан қалаларында және Қарағанды облысында тіркелген. Республика бойынша 44 адам жансақтау бөлімінде жатса, өкпені жасанды желдету аппаратына қосылған 7 адамның біреуі жасқа толмаған нәресте екен. Сондай-ақ, шілде айында аурудан 3 науқас қайтыс болған.
Министрліктің ақпаратына сәйкес, қазір Қазақстанда коронавирусқа қарсы вакцинаның 1,5 миллион дозасы бар. Оның ішінде 180 мыңға жуық казвак, 1,2 миллионнан астам синофарм болса, 55 мыңға жуығы Pfizer. Ал, вакцинация және ревакцинация жасатып жатқандарға казвак пен синофарм егілсе, файзер вакцинасы бұған дейін бірінші компонентті алған жасөспірімдерге, жүкті және емізулі баласы бар әйелдерге салынады. Сондай-ақ, денсаулық сақтау министрлігінің өкілі коронавирусқа қарсы препаратты клиникалық хаттамаға енгізуді қарастырып жатырмыз дейді.
БАУЫРЖАН ЖҮСІПОВ, ҚР Денсаулық сақтау министрлігі дәрі-дәрмек саясаты департаментінің басшысы:
— Әлемде КВИ-ді емдеу үшін қолданылатын бірқатар дәрі-дәрмек бар. Бірақ ол препараттар зерттеудің соңғы кезеңінен өткен жоқ. Дегенмен, бірқатар елдер кейбір дәрі-дәрмектерді шұғыл жағдайда қолдануға ұсыныс беріп отыр. Қазір бұл бағытта біздің клиникалық хаттаманы әзірлеуші мамандар белсенді жұмыс істеп жатыр. Жақын арада жұмыс нәтижесін жариялаймыз. Бір ай ішінде белгілі болып қалады.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар

Видео Бас санитардың болжамы: тамыз айында ковид жұқтырғандар саны көбейеді канала Информбюро 31