Уус-Алданнар сүүрүүк аттары сайыннараллар

Ыраас хааннаах дьөһөгөй оҕолорун Баһылай Шепелев анаан ииппитэ а5ыйах сыл буолла. Түөрт түөрэм туйахтаахтары анаан-минээн сураһан Мэҥэ сириттэн уонна Саһылыкаантан ылан турар. Баһылай этэринэн, боруода сылгыны көрүү-харайыы олус бириинчик. Ону ол диэбэккэ, кэнэс конюшня туттан, быйыл сылгыларын онно кыстатта. Сылгылар үһүөн да уруккута быһый атахтарынан сураҕырбыт барахсаттар. Уонуттан лаппа тахсыбыт Туйаара бастакы Дерби сүүрүүтүгэр биэтэккэ иккис кэлэн турар. Оттон Аҕыс саастаах уот кугас дьүһүннээх Айхаана эмиэ 1200 миэтэрэ кыайыылааҕа этэ. Чаҕылыыса ситиһиитин киһи эмиэ мыыммат. Онон сыспай сиэллээхтэр бэйэлэрин кэриэтэ уҥмат тыыннаах удьуору тэнитэр кэскиллээхтэрБилигин республика далааһыннаах түһүлгэлэригэр Суоттутаа5ы Лена хаһаайыстыба сылгыларыттан ордук тэҥҥэ түсүһэр сүүрүктэрбит улууска суоҕун кэриэтэ. Онон ыраас хааннаах дьөһөгөй оҕолорун иитиигэ, кҕрүүгэ-харайыыга мантан салгыы үлэ өссө кэҥиэхтээх. Маныаха Федерация саҥа састааба талыллан, бу саас Сыырдаахха итиэннэ Окоемовкаҕа улуустааҕы ат сүүрдүүтүн тэрийэн тураллар. Биир оннук ыһыылаах-хаһыылаах күрэхтэһиини аны бэс ыйыгар тэрийиэхтэрэ, Быйылгы Дьеһегей сылыгар ити курдук бастакы саҕалааһын баар. Онтон аны күһүн балаҕан ыйыгар Бороҕоҥҥо республика таһымнаах ат сүүрдүүтүн ыытан, быһый атахтаах ааттаах-суоллаах сыспай сиэллээхтэр кэлэн илиҥ-кэлиҥ түсүһүөхтэрэ

Видео Уус-Алданнар сүүрүүк аттары сайыннараллар канала НВК Саха