АКШ менен Орусиянын ортосунда кайым айтыш күчөдү

Орусия АКШдагы элчисин Вашингтон менен алакасы боюнча кеңешүү үчүн чакыртып алды.

Бул тууралуу орус Тышкы иштер министрлиги 17-мартта билдирүү таратты. Анда “Орусиянын Вашингтондогу элчиси Анатолий Антонов АКШ менен алаканы кандай кылуу керек жана кайсы багытта өнүгүшүн талдоо максатында Москвага консультацияга чакырылды”, - деп айтылат.

Билдирүүдө орус тарап мамилени “кайра оңдолгус абалга” жеткирбөөгө кызыкдар экени белгиленген.

Расмий Москва бул чечимди АКШнын президенти Жо Байден Владимир Путиндин дарегине катуу сын айткандан кийин кабыл алган.

7-мартта Байден "ABC News" каналына берген интервьюсунда журналисттин "Орусия президенти Владимир Путин киши өлтүргүчпү?” деген суроосуна “ооба” деп жооп кайтарган. Орус бийлиги АКШдагы шайлоого кийлигишүү аракети үчүн жакын арада жооп бере турганын билдирген.

Буга кошумча 17-мартта АКШ камакта жаткан орусиялык оппозиционер Алексей Навальныйга байланыштуу Орусияга карата санкцияларын кеңейтерин жарыялады.
_________________________________________
Биздин сайт - https://www.azattyk.org/
Instagram - https://www.instagram.com/azattyk.kg/
https://www.instagram.com/azattykmedia/
Фейсбук - https://www.facebook.com/azattyk.org
https://www.facebook.com/azattyk
Ютуб - https://www.youtube.com/channel/UCs_xNajKMU60fbeIhcxStoA
Телеграм - https://telegram.me/Azattyk_radiosu
https://t.me/azattykrus

Видео АКШ менен Орусиянын ортосунда кайым айтыш күчөдү канала Азаттык