អ៊ីគីមសួរ តារាភាពយន្តអភ័ព្វ មរណភាពពេលថតភាពយន្តមិនទាន់ចប់

មុនថ្ងៃលាចាកលោកប៉ុន្មានថ្ងៃ គីមសួរ បានថ្លែងជារឿយៗដោយនាងចង់ឃើញរូបនាងនៅលើផ្ទាំងសំពត់ស និងចង់បន្តជីវិតសិល្បៈបន្តទៀត រហូតដល់នាងមានវ័យចាស់ជរា។ តែជាអកុសលនៅថ្ងៃទី៧ ខែឧសភា ឆ្នាំ១៩៦៤ មច្ចុរាជបាននាំយកព្រលឹងរបស់នាងទៅរកភពថ្មី ដោយក្តីអាឡោះអាល័យបំផុត។ ក្រុមគ្រួសារនិងញាតិមិត្ត រួមទាំងក្រុមការងារទាំងឡាយសោកស្តាយរបស់អ្វីថ្លែងពុំបាន។ នាងសាក់ស៊ី ស្បោង បានទទួលធានារាប់រងធ្វើបុណ្យតាមប្រពៃណីជូនសពនាង នៅវត្តព្រះពុទ្ធមានបុណ្យ។ នាងបានលាចាកលោកទៅទាំងភាពយន្តនាងពុំទាន់ថតចប់ផង។ មានការផ្សាយពីការស្លាប់របស់នាងពេញប្រទេសកម្ពុជា ធ្វើទស្សនិកជនទន្ទឹងចាំមើលភាពយន្តនោះ។ នៅពេលភាពយន្តកងកម្មកងកែវបានបញ្ចាំងជាផ្លូវការ ផលិតករភាពយន្ត ប្រកាសអោយមហាជនគោរពវិញ្ញាណក្ខន្ធតារាភាពយន្តដ៏កំសត់រូបនេះ ហើយនៅថ្ងៃខួបមរណភាពរបស់នាង ផលិតករប៊ីវឆៃលាង តែងលើកភាពយន្តរឿងកងកម្មកងកែវ បញ្ចាំងជារឿយៗ។
ប្រវត្តិរឿងរ៉ាវទាំងនោះ ត្រូវបានអ្នកនិពន្ធប្រលោមលោកដ៏ល្បីល្បាញម្នាក់គឺលោក ហាក់ឆាយហុកយកមកសរសេរជាប្រលោមលោករឿងពិត ហើយលោកមានបំណងចង់ផលិតជាខ្សែភាពយន្តទៀតផង ប៉ុន្តែក្រុមគ្រួសាររបស់គីមសួរពុំអនុញ្ញាតអោយផលិតឡើយ។

Видео អ៊ីគីមសួរ តារាភាពយន្តអភ័ព្វ មរណភាពពេលថតភាពយន្តមិនទាន់ចប់ канала ក្រុមព្រះសុរិយា