Day 6 Closing ceremony XX IZHO

2024 жылы 13 қаңтар күні ХХ Халықаралық Жәутіков олимпиадасының салтанатты жабылуы өтті.

Мерейтойлық олимпиада қатысушыларын ҚР Оқу-ағарту министрі Ғани Бейсембаев құттықтап, Халықаралық Жәутіков олимпиадасы жүздеген талантты оқушыларды жинап, білім бәсекесінің алаңына айналғанын атап өтті.

Үш пән бойынша барлығы 344 қатысушы жүлдегер атанды:

🏆 Бас жүлде Санкт-Петербург қаласынан № 239 президенттік физика-математика лицейінің командасына бұйырды;

🥇I орынды Мәскеу қаласы В.Ф.Овчинникова атындағы “Екінші мектеп” иеленді;

🥈 II орынды Тбилиси қаласынан Л.В. Комаров атындағы № 199 математика және физика арнайы мектебінің және Долгопрудный қаласынан П.Л.Капица атындағы “Физтех-лицейі” бөлісті;

🥉 III орынды Минск қ. БГУ лицейі, София қ. Sofia High School of Mathematics, Долгопрудный қаласынан П.Л.Капица атындағы “Физтех-лицейі” және Алматы қаласы РФММ иеленді.

🇰🇿Қазақстандық оқушылар 10 алтын, 43 күміс және 56 қола – барлығы 109 медаль жеңіп алды!

Халықаралық қазылар алқасының құрамына 7 елдің өкілдері кірді: Қазақстан, Ресей, Армения, Беларусь, Оңтүстік Корея, Қытай және АҚШ. Олимпиаданың халықаралық қазылар алқасының төрағасы – ҚР ҰҒА вице-президенті, академик Асқар Жұмаділдаев.

Әр пән бойынша үздік нәтиже көрсеткен қатысушыларға Нұрлан Каппаров атындағы қордан арнайы сыйлықтар, сондай-ақ қазақстандық оқушылар арасында әр пән бойынша арнайы сыйлықтар табысталды.

Гран-приді жеңіп алған команданың барлық мүшелеріне кубок пен ноутбуктер табысталды. Барлық жүлдегерлер дипломдармен және бағалы сыйлықтармен марапатталды.

Видео Day 6 Closing ceremony XX IZHO канала Республиканская физико-математическая школа