Біздің қателігіміз | Қайрат Жолдыбайұлы | Нұрболат Қуанышбекұлы | Jauhar

Қателіктердің пайдасы бар ма?

Адам баласы жаратылысынан қателесуге, күнә жасауға бейім келеді. Қазақта осынау ақиқатты растайтын Пайғамбар (с.ғ.с.) хадисімен мағыналас «сүрінбейтін тұяқ, жаңылмайтын жақ болмайды», – деген аталы сөз қалған. Қателесу әр жұмыр басты пенденің басынан өткен әрі өтетін дүние.

Алла Тағала Адам (ғ.с.) пайғамбарға 1000 жылдық өмір сыйлаған екен. Оның өмір жасы туралы Ибн Аббас (р.а.) жеткізген хадисте Пайғамбарымыз (с.ғ.с.): «Шын мәнінде ең бірінші болып мойындамаған Адам» - деп үш рет айтып, сөзін: «Алла Адам (ғ.с.) жаратқан кезде оның белін сипап ұрпақтарын шығарды. Алла олардың екі көзінің ортасынан бір нұр жасаған еді. Сонда ол (Адам (а.с.)).: «Ей, Раббым! Бұлар кім?» - деп сұрады. Алла Тағала: «Бұл сенің ұрпағыңның ішіндегі соңғы халықтардан (шығатын) бір кісі. Оның есімі – Дәуіт» - деді. «Адам (ғ.с.): «Оған қанша өмір бердің?» - деді. Алла Тағала: «Алпыс жыл» - деді. Адам (ғ.с.): «Ей, Раббым! Оның өмірін ұзарт», - деді. Алла Тағала: «Тек сенің өміріңнен ұзартамын», - деді. Сөйтіп Адам пайғамбардың өмірінен Дәуіт пайғамбарға қырық жыл қосты. Алла Тағала періштелерді куә қылып, жаздырып қойды. Адамның (ғ.с.) өмірі аяғына жеткен кезде, оған өлім періштесі келді. (Сол кезде Адамның (ғ.с.) жасы 960 жасқа келген болатын. Ол өз жасының мың жыл екенін білетін). Періште: «Оны (қырық жылды) ұлың Дәуітке бермедің бе?» - деп айтты. Ол мойындамады. Алла Тағала оған жазуды шығарып, дәлел келтірді. Сөйтіп, Дәуіттің өмір жасын жүзге толтырып, Адамның (ғ.с.) өмір жасын мыңға толтырды», - деп айтқан (Ахмад).

Пайғамбарымыз (с.ғ.с.): «Адам (ғ.с.) қателесті, ұмытты және мойындамады. Бірақ ол мұны қасақана істеген жоқ, расында ол ұмытып қалған-ды. Ал бұл адамзаттың табиғатына айналды. Олар мойындамайды. Бірақ, көбінесе ұмытулары себепті тайқиды. Олар қателік істейді және бұл да ұмытшақтықтан», - деген.

Көптеген психологтар жасалған қателіктердің нәтижесін «тәжірибе жинау» деп қарастырады. Осыған қарап,
өмірімізде жасаған қателіктеріміздің де «пайдасы» бар екенін көруге болады. Өзімізді жегідей жеп, талай рет өкінуге мәжбүр еткен қателіктеріміздің «позитивті» жақтары мен кейбір «пайдаларын» талдап көрейік.

Видео Біздің қателігіміз | Қайрат Жолдыбайұлы | Нұрболат Қуанышбекұлы | Jauhar канала Jauhar Media