HƏRBİ PİLOT RAMİZ QASIMOV YOLDAŞLARINI XİLAS EDƏRƏK ŞƏHİD OLUB

Vətən müharibəsinin qəhrəmanlarından biri, hərbi pilot polkovnik-leytenant Ramiz Qasımov nəhayət sentyabrın 27-də arzusuna çatmışdı. Ali Baş Komandanın əks-hücum əmri onun böyük sevincinə səbəb olmuşdu. Döyüş yolu Tərtər istiqamətindən başlayan Ramiz Qasımov "SPAYK" uzunmənzilli raketlərlə silahlanmış "Mİ-17" helikopteri ilə düşmənin bir çox hədəflərini dəqiq atəşlə məhv edib.
Döyüş uçuşlarından birində Ramiz Qasımovun helikopteri vurulur. Yaralı olmasına baxmayaraq o, ilk növbədə döyüş yoldaşlarını və mülki əhalini düşünür.
Qəhrəman pilot 25 gün komada qalır, həkimlərin bütün səylərinə baxmayaraq oktyabrın 22-də şəhadətə qovuşur. Onun qəhrəmanlığını dövlət başçısı yüksək qiymətləndirib. Dekabrın 9-da Prezidentin Sərəncamı ilə polkovnik-leytenant Ramiz Qasımova ölümündən sonra "Vətən Müharibəsi Qəhrəmanı" adı verilir. Döyüş yoldaşları deyir ki, Ramiz Qasımov həqiqətən də əsl qəhrəman idi və yaddaşlarda bu cür qalacaq. Onun bir arzusu da oğlunun hərbi pilot olması idi.

Видео HƏRBİ PİLOT RAMİZ QASIMOV YOLDAŞLARINI XİLAS EDƏRƏK ŞƏHİD OLUB канала CBC TV Xəbərlər