Билікке талаптарын қойған елордалық аналардың артқа қайтқысы жоқ

Нұр-Сұлтан әкімдігі мемлекеттік мекемеден гөрі адам тұратын үйге айналып кеткен секілді. Дүйсенбіден бері бір топ көп балалы ана өз пәтерлерінде емес, қалалық әкімдіктің ішінде түнеп жүр. Өткен жылы Алтай Көлгіновтың қабылдауында болған аналар бұл жолы кабинетіне маңайлай алмай отырмыз дейді. Олар жәрдемақыны көбейтуді, баспананы сатып алу құқығына ие болуды талап етіп келген. Ал, әкімдік мамандары «заңсыз ештеңе істемейміз, аналардың барлық сұрағына жауап бердік» деп отыр.
Жәрдемақы мен баспана мәселесін айтып келген аналардың алтауы осы екі диванның жабдықтарын жайып ұйықтайды, қалғаны киім шешетін жердегі мына кілемнің үстіне жатады. Осылайша он адам кезектесіп түнейді. Осында тамақ ішеді, арасында бала-шағасына барып келеді. Олар еліміздегі "әрбір балаға 42500 теңге берілсін, мемлекет баспананы жалға бермей, түбегейлі сатып алатындай етсін" дейді.
АДИНА ІЛІПОВА, Көпбалалы ана:
– Ең төменгі жалақы 42500 теңге болып тұрғандықтан сол сумманы сұрап жатырмыз, арендный жилье өз атына қалатындай қылып, меншігіне қалатындай қылып заңдастыру керек.
Бұл азаматтармен қалалық мәслихат депутаттары, әкімдік мамандары кездескен екен. Бірақ, аналар олардың жауаптарына көңіліміз толмады дейді.
ШЫРЫН ӘБДІХАЛЫҚҚЫЗЫ, Жалғызбасты ана:
– Тек қана әкім советниктері ғана шығады. Олардың айтатын жауабы: "қайтыңыздар, иа қайтыңыздар" болды! Басқа ешқандай мардымды жауап, ештеңе ала алған жоқпыз:
НАЗИРА МҰҚАШЕВА, Жалғызбасты ана:
– Қарапайым халық қой бізге жаны ашитын. Жаңағы: тамақтарыңызды алып берейік, басқа бірдеңе керек болса, қажет па дегендей көбінесе қарапайым халық қана. Біздің билік негізі халыққа жұмыс жасамайды. Ол бәріне баяғыдан мәлім.
Ал, әкімдіктің Ішкі саясат басқармасы басшысының айтуынша, бұл кісілердің көбі бұған дейін әкімнің қабылдауында болған. "Заңды біз өзгерте алмаймыз, өзгерте алатын мамандармен кездесу ұйымдастырып бере аламыз" деді.
ДӘУРЕН БАБАМҰРАТОВ, Нұр-Сұлтан қаласының Ішкі саясат басқармасының басшысы:
– Заңға қатысты, Заңның орындалуына қатысты жалпы инциативаларға қатысты егер де мысалыға жүйелі сұрақтар болатын болса кеше де бұл кісілермен сөйлескен кезде дәл осы мәселені айттық. Тағы да солай кездесу ұйымдастыруға тырысайық. Мәслихат депутаттары болды, басқарма өкілдерінің барлығы осында болды. Тиісті сұрақтардың барлығына 68 азаматша осында келді. басқармалардың барлығы жауап берді.
АЙБАР ТӨЛЖАНҰЛЫ, тілші:
– Әкімдікке қонып жүрген аналар Мәжіліс депутаттары мен Министрлік өкілдері келмегенше әкімдіктен шықпаймыз деп отыр. Олар қала әкімінің атына жазбаша өтініш жазып, Еуропарламентке де шағымданыпты. Ал, әкімдік мамандары жауаптылармен кездестіріп бергенше әкімдікке түнеудің еш қажеті жоқ, құр әурешілік деді. Дегенмен, 10 ана әкімдікке бүгін де қонамыз деп отыр.
Айбар Төлжанұлы, Дидар Елеуов
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#әлеуметік_көмек #42500 #көпбалалы_аналар

Видео Билікке талаптарын қойған елордалық аналардың артқа қайтқысы жоқ канала Информбюро 31