Putin və Bayden görüşündəki bədən dili nədən xəbər verirdi? - Baku TV

Putin və Bayden görüşündəki bədən dili nədən xəbər verirdi? - Baku TV

Çoxdandır gözlənilən Putin və Bayden görüşü iyunun 16-da baş tutsa da, uzun müddət müzakirələrə səbəb olacaq.
Liderlərin mətbuat qarşısında görüşləri qısa olsa da, bədən dili yaxşı münasibətləri əks etdirmirdi. Gözlə təmas qurmaqdan çəkinmələri də diqqətdən yayınmırdı.
Dünyaca məşhur bədən dili və insan davranışları üzrə yazar Mark Bouden iki ölkə başçısının görüşündə gizli qalan bəzi detalları analiz edib:
“Əvvəlcə Prezident Vladimir Putinin gözlərini yayındırması fikrini bir kənara qoyaq. Fikrimcə, o, xalqa baxmaq üçün kameralara üz tutur. Bayden Putinə daha çox diqqətlə baxır. Onu olduqca həvəsli görürük, tarazlıq qoruyur. Əvvəl əlini uzadır, ona görə də çox nikbindir və əl sıxmaq istəyir. Putin içəri girir, onlar təxminən eyni sürətlə gəlir. Əvvəlcə Putinin səhnənin sol tərəfində dayanması barədə danışıqlar aparıldı. Bu, o deməkdir ki, əli sıxdıqda hakim tərəf o olacaq. Dünya onun qolunu daha çox görəcək. Beləcə, Putin qol gücü baxımından daha böyük və güclü görünəcək. Bir araya gəlirlər, bir birinə əlini uzadırlar, və bu, qarşılıqlı həyata keçirilir. Heç kim qarşısındakının əlini möhkəm sıxmır. Eyni zamanda da uzaqlaşırlar.”
Ekspert hesab edir ki, görüş yeri kimi arxa fonda kitabxananın seçilməsi məlumatlılıqdan xəbər verir və iki ölkə bayrağının arasında yerləşən yer kürəsi bu ölkələrin dünyaya təsir edə biləcək gücdə olduğunun nümayişidir.
Qeyd edək ki, ABŞ və Rusiya prezidentləri arasında geniş tərkibli və məhdud tərkibdə baş tutan görüş fasilə də daxil olmaqla 4 saat yarım davam edib. Hər iki ölkə başçısı görüşü “məhsuldar” qiymətləndirib.

Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.

Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Putin və Bayden görüşündəki bədən dili nədən xəbər verirdi? - Baku TV канала Baku TV