Балуан Нұрислам Санаев Ақтөбеге келді

Будапештте күрес түрлерінен өткен әлем чемпионатынан жүлдемен оралған ақтөбелік палуан Нұрислам Санаевты бүгін жерлестері ұшақтан күтіп алды. Спортшыға әуежай залында үлкен қошемет көрсетілді. Туған-туыс, дос-жарандары палуанға құшақ-құшақ гүлдерін сыйлап жатса, балалар мен жасөспірімдер үлгі тұтатын спортшысының қолын алып қалуға тырысты. Венгрия астанасы Будапештте қазанның 20-28-і аралығында күрес түрлерінен әлем чемпионаты өтті. Оған біздің елден 28 балуан барған болатын. Жүлде қоржынымызға тек бір ғана күмісті 57 келі салмақта еркін күрестен ақтөбелік Нұрислам Санаев салды. Финалда ол ресейлік Заур Угуевтен 3:4 есебімен ұтылды. Соңғы ұпайды иеленіп, чемпиондық атаққа бір табан жақын тұрған Санаевқа төрешілер күтпеген жерден ескерту берді. Ал қалған 13 секундта жерлесіміз ұпай алып үлгерген жоқ. Нұрислам деп Артас Санаа аты-жөнін Қазақстанға қоныс аударып, ислам дінін қабылдаған соң өзгерткен. Ол Ресейдің Тува өлкесінің тумасы. Біздің елге келген соң ол Азия чемпионатында қола медаль алса, биыл чемпион атанды. Рио Олимпиадасында бақ сынады.

Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv

Видео Балуан Нұрислам Санаев Ақтөбеге келді канала РИКА ТВ