Президент ӨКМдин куткаруучуларына сыйлык тапшырды

14-июнь күнү саат 10:00дө Т.Сатылганов атындагы Кыргыз улуттук филармониясынын чоң залында Президент Садыр Жапаров тарабынан Түркиядагы зилзалада издеп-куткаруу ишин жүргүзүп келген КР Өзгөчө кырдаалдар министрлигинин куткаруучуларына мамлекеттик сыйлыктарды тапшыруу салтанаттуу аземи өтөт.
Маалым болгондой 2023-жылдын 6-февралында Түркиянын түштүгүндө эки ирет жер титиреп, табигый кырсыктын кесепетинен аймактардагы имараттар түбү мене урап түшүп, 50 миңден ашуун адам каза болгон. Бул апаат бүтүндөй адамзатты сестентип, дүйнө элинин көңүлүн өзүнө бурду.
Түрк боордошторубуздун башына түшкөн оор учурда бир туугандык өзгөчө сезим менен Кыргызстандык куткаруучулар 7-февралда алгач 67 куткаруучу, андан соң 110 куткаруучу барып, Түркиянын Хатай облусунун Кахраманмараш, Баалыжан, Хайрыллу, Еброр кичи райондорунда издеп куткаруу иштерин күнү-түнү 24 саат бою жүргүзүү менен аймактан 5 адамды тирүү куткарып калууга жетишишкен. Андан соң Түркия мамлекетинин кайрылуусу менен Хатай облусунун Антакья шаарына барышкан. Ал жактан 100% тирүү адам жок деп изделбей турган уранды астынан бир үй-бүлөнүн 3 мүчөсүн тирүү алып чыккандыгы дүйнө элин таң калтырды жана бул рекорддук көрсөткүч эле. Жалпысынан жарым ай ичинде кыргыз куткаруучулары жалпы 8 адамды тирүү таап чыгып, 198 адамдын сөөгүн чыгарышты.

Видео Президент ӨКМдин куткаруучуларына сыйлык тапшырды канала Asia TV