Poerty Recital by Ravishekar Rajamaga #ನಿನ್ನದೇಬದುಕು ಕವನ ವಾಚನ #ರವಿಶೇಖರರಾಜಮಗ #ravishekarrajamaga

ನಿನ್ನದೇ ಬದುಕು

ಕವಿಯ ಕಾವ್ಯವದು ರಾಮಾಯಣ ಮಹಾಭಾರತ
ಮುಗ್ಧರ ಮನಸಿಗದು ಮೆಲುಕು ಅನವರತ!
ವ್ಯಾಸನಿಗೆ ಬೆರಳಾಟ ವಾಲ್ಮೀಕಿ ನರಳಾಟ
ಕತೆ ಚಿತ್ರಕತೆ ಅವರಿಚ್ಛೆಯ ಒಡನಾಟ!

ಅಂತೆಯೇ ಕವಿ ಕವಿತೆ ಕತೆ ಕಾದಂಬರಿಗಳಲಿ
ನೂರುಕೋಟಿಗಳಷ್ಟು ಕಲ್ಲನೆಯ ಕಟಕಟೆ!
ಬರೆದು ಚಿತ್ರಿಸಿದ ನವಿರು ಸಾವಿರ ಸಿನಿಮಾ
ಅವುಗಳನೇ ನಿಜವೆಂದು ಭ್ರಮಿಸದಿರು ಅಧಮ!

ನರರ ನಯ ವಿನ್ಯಾಸ ಅವರು ಬಾಳುವ ಬಯಕೆ
ಯಾರು ಹಿಡಿದಿಟ್ಟಿಹರು ಹೀಗೆ ಬದುಕೆಂದು!?
ಉಸಿರಾಡಲಾಗದೆ ಯಾರು ಬದುಕುಳಿಯುವರು!?
ನಶಿಸಿ ಹೋಗುವ ಬದುಕ ಯಾರು ಗೆಲ್ಲುವರು!?

ಕತೆ ಹೇಳುವವರೆಲ್ಲ ಕತೆ ಹೇಳುತಲಿಹರು
ಕತೆ ಕೇಳಿಕೊಂಡು ವ್ಯರ್ಥ ಕತೆಯಾಗಿ ಹೋಗದಿರು
ನಿನ್ನ ಇಚ್ಛೆಯ ಬದುಕು ಬದುಕಲೆಂದೇ ಉಳಿದಿರುವೆ
ವಿಕಟ ದೊಂಬರಾಟಕೆ ಏಕೆ ಬಲಿಯಾಗುತಿರುವೆ!?

ನಿನ್ನ ಇಚ್ಛೆಯ ಕತೆಯ ನೀನೆ ಬರೆದಿಟ್ಟುಕೋ
ಅದರ ತಳಬುಡವೆಲ್ಲ ಬೇಕಾದಂತೆ ತೀಡಿಕೋ
ಒಮ್ಮೆ ಹುಟ್ಟುವ ಜೀವ ಸತ್ತರೆ ಹುಟ್ಟುವುದಿಲ್ಲ
ನಿನ್ನಿಚ್ಛೆಯ ಸ್ವರ್ಗ ಇಲ್ಲೇ ಅನುಭವಿಸಿಕೋ!
- ಎನ್ ಜೆ ರವಿಶೇಖರ ರಾಜಮಗ

Видео Poerty Recital by Ravishekar Rajamaga #ನಿನ್ನದೇಬದುಕು ಕವನ ವಾಚನ #ರವಿಶೇಖರರಾಜಮಗ #ravishekarrajamaga канала Ravishekar Rajamaga