ԻՆՉԻ՞ ԷՐ ՍՊԱՍՈւՄ ՄՈՍԿՎԱՆ․ Ալիեվի մռութը ջարդելուց հետո միայն նա կհանգստանա․ Ինչու՞ է Մոսկվան պասիվ․

«Առաջին լրատվական»-ի զրուցակիցն է ռուսաստանյան «Ռեգնում» լրատվական գործակալության սյունակագիր, Մերձավոր Արևելքի և Կովկասի հարցերով փորձագետ, թուրքագետ Ստանիսլավ Տարասովը։
Պարոն Տարասով, եթե հաշվի առնենք, որ ՏԱՍՍ-ը պետական գործակալություն է, ապա ստացվում է, որ Փաշինյանի և Ալիևի հանդիպումը կազմակերպելու միտքը պաշտոնական Մոսկվայի նախաձեռնությո՞ւնն է։ Եթե այդպես է, ապա կոնկրետ ի՞նչ մտադրություններով ու ակնկալիքներով է Ռուսաստանը նախաձեռնում Հայաստանի և Ադրբեջանի ղեկավարների հանդիպումը, և ի՞նչ արդյունքներ կարելի է ակնկալել այս հնարավոր հանդիպումից ներկա իրավիճակում, երբ ռազմական գործողությունները չեն դադարում։
Տեսեք, Պուտինը անձնական նախաձեռնություն ցուցաբերեց՝ հրավիրելով արտաքին գործերի նախարարներին Մոսկվա, և նրանք ստորագրեցին համաձայնություն հումանիտար հրադադարի մասին, որը հետո խախտվեց։ Դա, իհարկե, Մոսկվայի նախաձեռնությունն էր, բայց Մոսկվան գործում էր Մինսկի խմբի բոլոր համանախագահող երկրների անունից, քանի որ ֆրանսիացիներն ու ամերիկացիները աջակցում էին այդ նախաձեռնությանը։ Եվ կրկին Պուտինը։ Պուտինը 2016 թ. ապրիլին էլ էր հանդես գալիս որպես միջնորդ, որից հետո հայերն ասացին, թե «Պուտինը կանգնեցրեց մեր առաջխաղացումը և թույլ չտվեց մեզ հաղթել»։ Ադրբեջանցիներն էլ նույնն էին ասում՝ «դուք թույլ չտվեցիք մեզ հաղթել»։ Ոչ ոք մեզ շնորհակալություն չհայտնեց՝ չնայած նրան, որ մենք հսկայական ջանքեր էինք գործադրել։ Եթե հիշում եք՝ ապրիլից հետո եղան Վիեննայի համաձայնությունները, Սանկտ Պետերբուրգի համաձայնությունները, որոնք հետո Ալիևը Փաշինյանի հետ միասին «թաղեց»։ Դրանք մոսկովյան նախաձեռնություններ էին։

Նյութի աղբյուր՝ 1in.am

#verjinlurer #arcaxpaterazm #հաղթելուենք #tarasov #alieverdoxan #verjinlurer

Видео ԻՆՉԻ՞ ԷՐ ՍՊԱՍՈւՄ ՄՈՍԿՎԱՆ․ Ալիեվի մռութը ջարդելուց հետո միայն նա կհանգստանա․ Ինչու՞ է Մոսկվան պասիվ․ канала Banber News