Yekun xəbərlər 25.02.2021 (Musa Media)

“Ermənistanın baş naziri Nikol Paşinyan “İsgəndər” raketləri ilə bağlı açıqlamasının Rusiya ilə münasibətlərdə başına bəla açacağını anlayaraq, bir gün sonra yeni açıqlama ilə əvvəlki sözlərinə düzəliş etməyə çalışıb. Paşinyan hökumətin iclasında bildirib ki, Ermənistan silahlı qüvvələrinin islahatlarını sürətləndirmək məqsədilə “yol xəritəsi” hazırlanacaq və bu istiqamətdə “Ermənistanın təhlükəsizlik sahəsində bir nömrəli tərəfdaşı – Rusiya Federasiyası ilə sıx əməkdaşlıq ediləcək”. Paşinyanın sözlərinə görə, iki ölkə arasında təhlükəsizlik və hərbi-texniki sahədəki əməkdaşlıq daha effektiv olacaq”.
“Yeni Sabah”ın məlumatına görə, bu fikirləri Ermənistanda hökm sürən hazırkı vəziyyəti şərh edən politoloq Elxan Şahinoğlu bildirib. O deyib ki, Nikol Paşinyanın yeni açıqlaması çətin ki, Kremlin acısını soyutsun.
“Əksinə, Paşinyanın yeni açıqlamasını da belə oxumaq mümkündür: “Ermənistanla Rusiya arasında hərbi-texniki sahədə buna qədərki əməkdaşlıq işə yaramadı. Sizdən aldığımız hərbi texnika yararsız çıxdı, bu əməkdaşlığı daha effektiv şəkildə qurmaq istəyirik”. Bu kimi açıqlamalardan sonra Paşinyan hakimiyyətdə olduğu dönəmdə Moskvanın Ermənistana hansı növ silah satacağı və peşkəş edəcəyi maraq doğurur”.
E.Şahinoğlu deyir ki, müharibədən sonra Kreml Paşinyanın hakimiyyətdə qalmasını istəyirdi. Çünki, Paşinyan Moskvanın vasitəçiliyi ilə 10 noyabr və 11 yanvar bəyanatlarına imza atıb, onları yerinə yetirməlidir. Digər tərəfdən Moskva görür ki, hələ ki, Ermənistanda Paşinyana real alternativ yoxdur.
“Ancaq Paşinyan “İsgəndər” raketlərinin keyfiyyətsiz olmasıyla bağlı açıqlamasıyla Rusiyanın hərbi-sənaye kompleksinə elə zərbə vurdu ki, Kreml sahibi bunu unutmayacaq və fürsət düşən kimi Paşinyanı hansısa yolla cəzalandırmağa çalışacaq. Gələn son xəbərlərə görə, Ermənistan ordusu içərisində Nikol Paşinyanı devirmək istəyən qrup formalaşıb”,-politoloq deyib.
Onun fikrincə, Azərbaycan Ermənistandakı son hadisələri diqqətlə izləyib Dağlıq Qarabağda yarımçıq qalmış işləri tamamlaya bilər:  “Vaxt itirmədən Laçın dəhlizi və bu dəhliz üzərindən sərhəddi nəzarətə götürməliyik”.
Siyasi şərhçi Şahin Cəfərli də hazırda Ermənistanda yaranmış vəziyyəti – ordunun Baş Qərargahının Nikol Paşinyandan istefa tələb etməsini hərbi çevriliş cəhdi kimi qiymətləndirib:
“Baş Qərargahın baş naziri istefaya çağırmasından sonra Paşinyan da xalqı meydana səslədi. Belə görünür ki, Paşinyanın "İsgəndər" raket kompleksini aşağılayan sözləri Rusiyanın səbr kasasını dolduran son damla olub.
Bəri başdan qeyd edək ki, çevrilişin baş tutması və Moskvaya bağlı radikal millətçi, faşist qüvvələrin hakimiyyətə qayıtması bizim maraqlarımıza tamamilə ziddir”.
Xatırladaq ki, Ermənistan baş naziri Nikol Paşinyan Baş Qərargah rəisi Onik Qasparyanı və onun müavini Tiran Sarkisyanı vəzifəsindən azad edib. 
Baş Qərargahda bütün idarə rəisləri, ordu birləşmələrinin komandirləri Paşinyanın istefasını tələb edirlər.
Paşinyan bu tələbi dövlət çevrilişinə cəhd kimi dəyərləndirib. O, xalqı meydana çıxmağa səsləyib.

“Bütün tərəfdarlarımı meydanlara toplaşmağa çağırıram. Yaxın zamanda mən canlı yayımda xalqa müraciət edəcəm”- deyə Paşinyan bildirib
Fevralın 26-da  gözlənilən hava şəraiti açıqlanıb.

ƏTRAFLI

grass_azerbaycan

Milli Hidrometeorologiya Xidmətindən Yenisabah.az-a verilən məlumata görə, fevralın 26-da Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. 
Havanın temperaturu Abşeron yarımadasında gecə 0 dərəcəyə yaxın, bəzi yerlərdə 1 dərəcəyədək şaxta, gündüz 4-7 dərəcə isti, Bakıda gecə 0 dərəcəyə yaxın, gündüz 4-7 dərəcə isti olacaq. Atmosfer təzyiqi normadan yüksək 773 mm civə sütunundan 769 mm civə sütununa enəcək, nisbi rütubət  gecə 70-80, gündüz 50-55 faiz təşkil edəcək.  
Fevralın 26-da Azərbaycanın rayonlarında hava şəraitinin əsasən yağmursuz keçəcəyi gözlənilir. Bəzi yerlərdə duman olacaq, qərb küləyi əsəcək. 

Havanın temperaturu gecə 1-6 dərəcə şaxta, gündüz 7-11 dərəcə isti, dağlarda gecə 5-10, yüksək dağlıq ərazilərdə 12-16, gündüz 0-5 dərəcə şaxta olacaq. 
Tibbi-meteoroloji proqnoz
Fevralın 26-27-də Abşeron yarımadasında meteoroloji  amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir
Ermənistanın baş naziri Nikol Paşinyan Silahlı Qüvvələrin Baş Qərargah rəisi Onik Qasparyanı istefaya göndərib.
Publika.az xəbər verir ki, bu barədə özü feysbukdakı canlı yayımında açıqlayıb.
Paşinyan tərəfdarlarını "inqilabı müdafiə etmək" üçün Respublika Meydanında toplanmağa çağırıb və ordunun tələbini "çevriliş cəhdi" adlandırıb: "Vəziyyət çox çətindir. Baş Qərargah rəisinin və onun birinci müavininin vəzifəsindən kənarlaşdırılması barədə qərar verdiyimi bilirsiniz. Bu qərarların səbəbini meydanda açıqlayacağam".

Видео Yekun xəbərlər 25.02.2021 (Musa Media) канала Musa Media