Sumqayıt TV: Sumqayıt sözü necə yaranıb?

Sumqayıt TV şəhər sakinlərinin Sumqayıt haqqında intellektlərini yoxlayıb. Belə ki, respondentlərə "Sumqayıt sözü necə yaranıb?" sualı ünvanlanıb. Şəhər sakinləri ünvanlanan suallara müxtəlif cavablar veriblər.
Bir məsələni də qeyd edək ki, "Sumqayıt" toponiminin yaranmasında əsasən 3 versiya üzərində dayanırlar. Həmin versiyalar aşağıdakılardır:

1. "Sum qayıt" əfsanəsi
Əfsanəyə görə, günlərin bir günü uzaq ellərdən gələn dəvə karvanı bu yerdən keçir. Onların su ehtiyatı qurtarır, susuzluğa davam gətirə bilməyən karvan sahibləri arasında bir-birini dərin məhəbbətlə sevən Sum və Ceyran adlı iki gənc də var idi. Bir tərəfdən susuzluq, bir tərəfdən isə qızmar günəş altında, qumlu səhrada yerimək, Ceyranı lap taqətdən salmışdır. Sevgilisinin susuzluğa dözə bilmədiyini görən Sum Ceyrana deyir:- Sən burada məni gözlə, ya ölərəm, ya da sənə su taparam!Sum karvandan aralanıb gedir. Lakin sevgilisinin fəlakətlə qarşılacağını hiss edən Ceyran onun ardınca qışqırır:- Sum, qayıt! Sum, qayıt! Sum, qayıt!
2. Tayfa adı ilə

Şəhərin adı qədim türk tayfası olan "suqa" və ya "sunqa"ların adından gəlmişdir. "-it" şəkilçisi isə qədim türk dillərində cəm şəkilçisi olub. "Sumqait" – "Sunqa-lar" , yəni "sunqaların yerləşdiyi ərazi" mənasını daşıyır.

3. Sumqayıt çay
Şəhərin adının mənşəyi ilə bağlı başqa bir fikir, şəhərdən bir az şımalda axan Sumqayıt çayla əlaqədardır. Yarımsəhra şəraitində axan çayın mənsəbi yoxdur və çay guraqlıqda tamamilə quruyur. Çayın Xəzər dənizinə axmayıb geri qayıtdığına görə ona qədim türkdilli tayfalar "su qayıdan çay" demişlər. Çayın adı və sonradan salınmış şəhərin adı da, məhz bu ifadədən gəlir.

Видео Sumqayıt TV: Sumqayıt sözü necə yaranıb? канала Sumqayıt TV