"Бүгүн Азаттыкта" дүйнө жаңылыктары (8.12.2020-ж)

- 01:00 Британия 8-декабрдан тартып коронавируска каршы эмдөө баштады.
- 03:49 Тажикстанда оппозициялык саясатчы Махмурод Одинаев эки айга камалды.
- 06:43 Бириккен Улуттар Уюмунун Башкы Ассамблеясы Орусияны Крымдын «убактылуу оккупациясын» жана Украинага курал-жарак жөнөтүүнү токтотууга чакырган резолюция кабыл алды.
- 07:43 Ирандын расмий өкүлү «өлкөнүн руханий жол башчысы аятолла Али Хаменеинин саламаттыгы кескин начарлап кетти» деп Интернетте жайнап кеткен айың кептерди төгүндөдү жана 81 жаштагы диниятчынын дени сак экенин билдирди.
- 08:49 Өзбекстан президенти Шавкат Мирзиеев 8-декабрда белгиленчү Конституция күнүнүн урматына 104 кишиге ырайым берди же жаза мөөнөтүн жеңилдетти.
- 09:44 Чеченстандын муфтийи паранжыга тыюу салууну колдобой жаткандарды «Алланын душмандары» жана «ваххабиттер» деп атады.
- 10:54 2024-жылы Парижде өтө турган Жайкы Олимпиаданын программасына брейк данс, серфинг, скейтбординг жана аскага чыгуу мелдештери киргизилди.
#БүгүнАзаттыкта

Видео "Бүгүн Азаттыкта" дүйнө жаңылыктары (8.12.2020-ж) канала Azattyk