XƏBƏRLƏR.! 23.08.2020 Son Xeberler, Xeberler Bugun, Günün Vacib Xeberleri, Tecili Xeberler, Xeberler

Ramiz Mehdiyev dövlətə meydan oxumaq istədi və cəzasını aldı
 22 Avqust, 2020 - 14:10  384
Ramiz Mehdiyevin kürəkəni İlhаm Əliyev bu gün məhkəmə qərarı ilə həbs edildi. Çünki o, Nazirlər Kabineti yanında Operativ Qərargahın karantinlə bağlı qərarlarını heçə sayaraq övladına dəbdəbəli toy etmişdi.
KONKRET.az xəbər verir ki, kürəkənlə bağlı verilən qərar onu göstərdi ki, Azərbaycanda hamı qanun qarşısında bərabərdir, heç kim qanundan üstün ola bilməz, vəzifəsindən və statusundan asılı olmayaraq qanunu pozan hər bir şəxs məsuliyyətə cəlb olunur və olunacaq.
Bu, qanunun tələbi və Azərbaycan Prezidentinin ali iradəsidir.
Ramiz Mehdiyev isə dövlətə meydan oxumaq istəyirdi. Amma o, cəzasını aldı.

“Tədris prosesini ölkə boyu ənənəvi rejimdə bərpa etmək mənasızdır” - Açıqlama
Ölkənin müxtəlif bölgələrində epidemioloji vəziyyət əhəmiyyətli dərəcədə dəyişir. Buna görə təhsil prosesini bərpa etmək məsələsinə müxtəlif bölgələrdə fərqli yanaşmaq lazımdır.
Yenisabah.az xəbər verir ki, bu barədə təhsil sahəsində ekspert Qoşqar Məhərrəmov deyib.
Onun sözlərinə görə, tədris prosesini ölkə boyu ənənəvi rejimdə bərpa etmək mənasızdır.
“Məsələn, karantinin tamamilə ləğv olunduğu bölgələrdə ənənəvi təhsil formasına qayıtmaq olar. Əlbəttə ki, vacib tədbirlərə riayət etmək şərti ilə: Məktəbin girişində şagird və müəllimlərin temperaturu ölçülməli, bir sinifdə oxuyan şagirdlərin sıxlığına nəzarət olunmalı, sosial məsafəyə riyaət edilməli, təhsil ocağının içərisindəki dezinfeksiya tədbirlərinə laqeyd yanaşılmamalıdır”, - deyə ekspert bildirib.
Karantin rejiminin daha sərt tətbiq olunduğu zonalara gəldikdə, Q.Məhərrəmovun fikrincə, tədris prosesi Azərbaycan Respublikası Təhsil İnstitutunun bir gün əvvəl verdiyi tövsiyələr əsasında təşkil edilə bilər.

Azərbaycanda nazirlikdə yüksək vəzifəyə TƏYİNAT - FOTO
Mədəniyyət Nazirliyində yeni kadr təyinatı olub.
Yenisabah.az xəbər verir ki, Məryəm Qafarzadə nazirliyin İnformasiya və İctimaiyyətlə əlaqələr şöbəsinin müdiri vəzifəsinə təyinat alıb.
O, bundan əvvəl Gənclər və İdman Nazirliyinin sektor müdiri vəzifəsindən çalışıb.
M. Qafarzadə eyni zamanda, Avropa Şurasının Anti-Dopinq Konvesiyasına uyğunluq üzrə Məsləhət Qrupunun rəhbəri vəzifəsində fəaliyyət göstərir.
Qeyd edək ki, sözügedən vəzifəni bundan əvvəl İntiqam Hümbətov yerinə yetirib. O, bir neçə gün əvvəl vəzifəsindən uzaqlaşdırılıb.

Azərbaycanda koronavirusa yoluxma sağalma sayını yenidən üstələdi: Üç nəfər vəfat etdi - RƏSMİ
Azərbaycanda koronavirus infeksiyasına 184 yeni yoluxma faktı qeydə alınıb, 160 nəfər müalicə olunaraq sağalıb və evə buraxılıb.
Bu barədə Nazirlər Kabineti yanında operativ qərargah məlumat yayıb.
COVID-19 üçün götürülən analiz nümunələri müsbət çıxanlardan üç nəfər vəfat edib.
Son sutka ərzində yeni yoluxma hallarının müəyyənləşdirilməsi ilə əlaqədar 6557 test aparılıb.
Aktiv xəstə sayı isə 1748 nəfərdir.

Elmira Süleymanova yeni Ombudsmanın karantin qaydalarını pozmasından danışdı
Azərbaycan Respublikasının İnsan hüquqları üzrə sabiq müvəkkili Elmira Süleymanova Ombudsman Səbinə Əliyevanın karantin qaydalarını pozaraq AMEA prezidenti Ramiz Mehdiyevin nəvəsinin toy mərasimində iştirakından danışıb.
Elmira Süleymanova Demokrat.az-a qısa açıqlamasında Səbinə Əliyeva haqda bunları deyib:
“Mən bilirəm ki, siz mənə nə üçün zəng etmisiniz. Yeni Ombudsmanımız da həyat yoldaşı ilə gedib o toyda iştirak edib. Bu doğru deyil. Onların bu hərəkətlərinə mən nə deyə bilərəm? Mənim bu barədə danışmağım gülünc olardı”.

Baş Nazir gömrüklə bağlı qaydaya dəyişiklik etdi
Nazirlər Kabineti 14 oktyabr 2013-cü il tarixli qərarı ilə təsdiq edilmiş “Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş Qaydaları”nda dəyişiklik edib.
Yenisabah.az xəbər verir ki, bununla bağlı Baş Nazir Əli Əsədov qərar imzalayıb.
Qərara əsasən, bundan sonra ölkənin gömrük ərazisinə ayda bir dəfə gətirilən, ümumi gömrük dəyəri 800 ABŞ dollarından artıq olmayan mallar gömrük rüsumundan azaddır. İndiyə qədər bu şərt ümumi gömrük dəyəri 1500 ABŞ dollarından (müşayiət edilən hər bir yetkinlik yaşına çatmamış fiziki şəxsə görə əlavə 500 ABŞ dollarından) artıq olmayan mallara aid edilirdi.
Həmçinin, bundan sonra beynəlxalq poçt göndərişləri və yaxud daşıyıcı şirkət vasitəsilə eyni fiziki şəxsin adına 30 gün müddətində ümumi gömrük dəyəri 800 ABŞ dolları ekvivalenti məbləğindən artıq olmayan mallara görə gömrük rüsumu tutulmayacaq. İndiyə qədər bu məbləğ 1 000 ABŞ dolları idi.

Prezident İlham Əliyev Ramiz Mehdiyevin dərsini verdi! - VİDEO
Prezident Administrasiyasının sabiq rəhbəri, AMEA prezidenti Ramiz Mehdiyevin kürəkəni, eks-deputat İlham Əliyev və onun qudası Rövşən Mustafayev cəzalandırılıb. Abşeron Rayon Məhkəməsinə gətirilən qudaların hər birinə məhkəmə 15 sutka həbs cəzası kəsib.

Видео XƏBƏRLƏR.! 23.08.2020 Son Xeberler, Xeberler Bugun, Günün Vacib Xeberleri, Tecili Xeberler, Xeberler канала TƏCİLİ XƏBƏR