Ermənilərin Qarabağda yeni xain planları: təhlükəsizlik eksperti İlham İsmayılla "Canlı debat"

YAP “təmizləmə” qurultayına hazırlaşır iddiası var. Bu barədə yerli mediaya hakim partiyadakı mənbələr bildirib. Məlumata görə, YAP -ın bu dəfəki qurultayı əvvəlkilərdən xeyli fərqli olacaq. Belə ki, hakim partiyanın İdarə Heyəti və Siyasi Şurasında olan bir sıra ünlü şəxslər öz postlarından kənarlaşdırılacaq. Mənbə YAP rəhbərliyindən kənarlaşdırılacaq bəzi şəxslərin kimliyini də açıqlayıb. Qurultayda YAP sədrinin 4 müavinindən 2-si öz postu ilə vidalaşacaq.
Həmin şəxslərin adların təqdim edirik: Əli Həsənov (Baş nazirin sabiq müavini), Akif Əlizadə (AMEA-nın sabiq prezidenti).
İdarə Heyətindən kənarlaşdırılacaq şəxslər də bir zamanlar hakim partiyanən əsas simaları olanlardır. Hacıbala Abutalıbov – Baş nazirin sabiq müavini, Vaqif Əliyev – Mədəniyyət və Turizm nazirinin I müavini, Nurlana Əliyeva – Bakı Slavyan Universitetinin rektoru, YAP Qadınlar Şurasının sədri, Nizami Xudiyev – Pedaqoji Universitetin kafedra müdiri, Abel Məhərrəmov -(BDU-nun sabiq rektoru), Arif Rəhimzadə və sair odioz fiqurlar var. YAP Siyasi Şurasının üzvlüyündən xaric ediləcək bəzi şəxslərin də kimliyi bəllidir. Məlumata görə, Siyasi Şuranın da tərkibi tamamilə yenilənəcək. Siyasi Şuradan kənarlaşdırılacaq şəxslər arasında PA-nın sabiq şöbə müdirləri Fatma Abdullazadə və Elnur Aslanov da var. Qeyd etmək lazımdır ki, qurultayın keçirilib-keçirilməməsindən asılı olmayaraq YAP-da bəzi rəhbər şəxslərin həqiqətən də heç bir fəaliyyəti, fəallığı yoxdur. Mümkündür ki, onları gənc kadrlar əvəzləsin. YAP-da bir metal yorğunluğu olması barədə cəmiyyətdə rəy var.

Ermənilərin 102-ci baza və “yeni ordu” planı-Ermənistan 102-ci ordunu Sünik tərəfdən sərhədin mühafizəsinə cəlb etmək istəyir. Həmin hissəsinin mühafizəsinə zatən Rusiya Federal Təhlükəsizlik Xidmətinin sərhəd xidməti məsuliyyət daşıyır. İndi isə ordunu da o həssas bölgəyə yerləşdirmək niyyəti hansı məqsədi güdür? Müdafiə nazirinin müavini deyib ki, erməni ordusunun modernləşməsində Rusiyanın da iştirakı razılaşdırılıb. Rusiya sülhməramlıdırsa, necə ola bilər ki, Azərbaycana düşmənçilik niyyətindən əl çəkməyən ölkəyə dəstək vəd edir? Ermənistan nə tez unutdu ki, 44 günlük müharibədə darmadağın edilən həm də Rusiyanın onlara verdiyi texnikalar idi. Abu-Dabidəki silah sərgisində 2-3 bayraqlarından başqa asmağa heç nə tapmayan ermənilər yeni ordu xəyalları qururlar. Həm də Qarabağda....
“ABŞ qayıdır!” açıqlaması -Azərbaycan və Türkiyəyə eyni gözlə baxılacaq, yoxsa...Qarabağ müharibəsindən sonra Avropada Azərbaycan və Türkiyəyə münasibətdə bir ortaq tavır var. Hər iki dövlətə qərəzli münasibət ortadadır. Ərazi bötüvlüyümüzün bərpası, Rusiyanın və Türkiyənin rolu ABŞ-ın Qarabağ məsələsində sıxışdırılması kimi görüntü yaradır. PKK məsələsində ABŞ-ın yenidən terrorçuların tərəfində durması Vaşinqton-Ankara xəttində gərginlik yaradıb. Bayden hələ də Türkiyə prezidentinə zəng etməyib və sairə. Bu halda, yeni Ağ Ev administrasiyası Cənubi Qafqaza da “qayıtmağı” hədəfləyirmi? Azərbaycana münasibət Türkiyədən fərqli olacaq, yoxsa... Bu yaxınlarda isə ABŞ-ın 100-dən artıq konqresmeni prezident Baydenə müraciət edərək təcili şəkildə Qarabağ münaqişəsinə müdaxilə etməyi və Dağlıq Qarabağın erməni əhalisinin öz müqaəddaratını təyinetmə prinsipi əsasında münaqişənin həllinə çalışmağı xahiş ediblər. Həmçinin konqresmenlər Dağlıq Qarabağa və Ermənistana siyasi dəstək verilməsi ilə yanaşı maddi və mənəvi dəstək verməyi də istəyiblər. O cümlədən 907-ci düzəlişin yenidən qüvvəyə minməsini tələb ediblər.
Bu və gündəmdəki digər sualları təhlükəsizlik eksperti İlham İsmayılla müzakirə edirik. Müzakirədə tamaşaçılarımız da iştirak edə bilər. Bunun üçün Musavat.com-un Facebook və Youtube səhifələrindən birini bəyənib, paylaşa bilərsiz.

Видео Ermənilərin Qarabağda yeni xain planları: təhlükəsizlik eksperti İlham İsmayılla "Canlı debat" канала Tv Musavat