Чек арада үч адам каза болду, бирөө өспүрүм кыз. Лейлекте да ок атышуу башталды

Кыргы-Тажик чек арасындагы “Головной” суу бөлүштүрүүчү жайдында кагылышуудан жаракат алгандардын саны 51 адамга жетти. Бул тууралуу Саламаттыкты сактоо жана социалдык өнүктүрүү министрлиги кабарлады. Акыркы алынган маалыматтарга караганда, үчөө каза болду. Бирөө өспүрүм кыз.
Жаңжал болуп аткан жерде Тез жардам кызматынын үч тобу нөөмөттө турат. Кошумча Баткен облустук үй-бүлөлүк дарыгерлер тобунун базасында дарыгерлердин төрт бригадасы уюштурулду.
Тажикстан тарап алардан үч адам каза болгону айтылууда.
Лейлекте дагы кыргыз жана тажик атышуусу башталды. Ок атуу Кулунду жана Максат айылдарында жүрүп жатканын саат 18:50дө өкмөттүн Баткен облусундагы өкүлү Өмүрбек Суваналиев кабарлады.
Кагылышуу башталган Головной аймагы кыргыз тараптын козомолуно алынды деген маалымат тарады.
тажик тарап "Капчыгай", "Миң-Булак", "Достук" "Кожогар" жана "Булак-Башы" чек ара бекеттерине ок чыгарган. аткылоонун натыйжасында Баткен чек ара отрядынын "Достук" заставасы күйүп кеткен.
"Мындан улам УКМКнын "Бөрү" атайын даярдыктагы аскер бөлүгү Тажикстандын "Ходжа Аълло" чек ара заставасын басып кирди", - деп айтылат Чек ара кызматынын маалыматында.
Улуттук коопсуздук боюнча мамлекеттик комитетинин билдиришинче, учурда Кыргыз-Тажик чек арасында абал оор бойдон калууда.
УКМКнын төрагасы Камчыбек Ташиев Германияга ден – соолугуна байланыштуу кетип, Баткендеги окуядан улам кайра Кыргызстанга кайтканын билдирди.
Өкмөт башчы учурда Татарстанда жумушчу сапары менен жүргөнүн өкмөт кабарлады. Ал бүгүн, 29-апрелде Казан шаарында Орусия өкмөтүнүн төрагасы Михаил Мишустин менен жолукту. Андан кийин Тажикстандын премьер-министри Кохир Расулзода менен жолугушуп, чек арадагы абалды талкуулашты.
Анда тараптар чек арадагы абалды сүйлөшүү жолу менен тез арада чечүүгө толугу менен даярдыгын билдирген.

Видео Чек арада үч адам каза болду, бирөө өспүрүм кыз. Лейлекте да ок атышуу башталды канала OKO MEDIA