Mərmi, od-alov içində 38 gün ayaqda qalan qəsəbə - Şıxarxdan - VİDEOREPORTAJ

38 gün əvvəl 2-ci Qarabağ savaşı başlayanda Tərtərin Şıxarx qəsəbəsində 6 min nəfər sakin yaşayıb. 2017-ci ildə buradakı 34 binaya 1176 ailə köçürülüb. Bu gün qəsəbədəki binaların elə biri yoxdur ki, düşmən toplarının mərmisi, mərmi qəlpəsi dəyməsin, raket zərbəsi görməsin. Bununla belə Şıxarx mərd sakinlərinin hesabına ayaqdadır. Qəsəbədə canlanma var. Samovar qaynadan kim, uşaqla gəzintiyə çıxan kim. Düşmən ara-sıra bu əraziləri hədəf götürməsinə rəğmən əliyalın insanlar Şıxarxı tərk etməməklə ona meydan oxuyurlar.
Bu qəsəbənin sakinləri köçkünlərdir. Şuşadan, Kəlbəcərdən, Laçından və Ağdərədən olan köçkünlər. Onlar Şıxarxda dağıdılmış evlərində köçlərini artıq yığıblar, dədə-baba yurdlarına qayıdacaqları günlərin çox yaxında olduqlarını da sevinclə dilə gətirirlər. Müzəffər Ordumuzun tezliklə bu arzularını reallığa çevirəcəyinə ümidləri də sonsuzdur.
Dağıdılmış, viranə qoyulmuş qəsəbədən hazırladığımız reportajda bu inam, sevinc dillərdədir, gözlərdən oxunur, qəlblərin ümdə arzusudur.

E.Məmmədəliyev
E.Əkbərov
"Yeni Müsavat"ın Reportyor Qrupu
Kanala abonə ol : https://www.youtube.com/TVmusavat
Email: Musavat777@gmail.com

Kanala baxdığınız üçün təşəkkürlər

Видео Mərmi, od-alov içində 38 gün ayaqda qalan qəsəbə - Şıxarxdan - VİDEOREPORTAJ канала TV Musavat