Еліміздің солтүстігінде бүкіл бір аудан орталығының тұрғындары нәжіс иісінен тұншығып отыр

Еліміздің солтүстігінде бүкіл бір аудан орталығының тұрғындары нәжіс иісінен тұншығып отыр. Қолқаны қабатын иістен уланып жатырмыз деген ауыл азаматтары тура үйлердің жанындағы кәріз қалдықтарын төгетін орынды жауып тастауды талап етеді. Бір жылдан бері осы мәселемен жергілікті әкімдіктің табалдырығын тоздырып жүрген тұрғындар билік бұған құлақ аспайды деп ашулы.
Петропавлдың іргесіндегі Бескөл ауылы тұрғындарының жанайқайы бұл. Жиналғандар тура үйлерінің қасындағы кәріз қалдықтары төгіліп жатқан орынды жабуды талап етеді. Сөздерінше, сасық су жиналатын құдық үйлерінен небәрі он адым жерде орналасқан.
ОРЫНТАЙ МЫРЗАҚАЕВА, Бескөл ауылының тұрғыны:
– Противогаз кимесең мына жерде тұруға болмайды. Ешқандай маска көмектеспейді. Жағалай тұратын көбі қарттар. Үлкен кісілер далаға шықпайды қазір. Үйлерінде қамауда отырады.
Тұрғындар мұрынды жаратын иіске бір сағат түгілі бір минут шыдау мүмкін емес дейді. Бірақ көпшілік таң атқаннан кеш батқанға дейін нәжістің иісімен тыныстап, уланып жатқандарын айтады.
САДЫҚ ОМАРОВ, Бескөл ауылының тұрғыны:
– Мына жерде мінекей 100 метр жоқ, свалка, птицефабрика күлді бәрін құртты. Енді мынау ассенизаторский мәшіндер күні-түні, өзі сағат бірге түнде жүреді. Мен дәл сол көшеде тұрамын. Ұйқы жоқ.
Бір қызығы, мамандар кәріз суы құйылатын аймаққа тұрғын үй салынбауы тиіс дейді. Сол себепті, жылдар бойы тұрғындарға жер учаскілері заңсыз сатылып келген болуы мүмкін деген пікірде.
ҚАЙСАР ӘМРИН, Қызылжар ауданы ТҮКШ бөлімінің басшысы:
– Кәріз суын төгетін орынды біз бұл жерден ауыстыра алмаймыз. Оған көп қаражат және уақыт керек. Тек тазалау жұмыстарын ғана жүргізе аламыз.

Бірақ тұрғындар кәріз суын төгетін орынды елді мекеннен басқа орынға ауыстыруын соңына дейін талап етпек. Ол үшін көпшіліктен қол жинап, облыс әкімінің атына да хат жазбақ.

.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар #Ақиқатын_Айтайық

Видео Еліміздің солтүстігінде бүкіл бір аудан орталығының тұрғындары нәжіс иісінен тұншығып отыр канала Информбюро 31