Шавкат Мирзиёев Анқарада катта ҳурмат ва эътибор билан кутиб олинди

Президент Шавкат Мирзиёев Президент Режеп Таййип Эрдоғаннинг таклифига биноан ташриф билан Туркияга келди.
"Эсонбуға" халқаро аэропортида давлатимиз раҳбарини Туркия ҳукумати аъзолари, Анқара музофоти ва шаҳри раҳбарияти, бошқа расмий шахслар кутиб олди.
Бугун Президентлар раислигида Олий даражадаги стратегик ҳамкорлик кенгашининг биринчи йиғилиши бўлиб ўтади.
Президент Шавкат Мирзиёев Анқара шаҳридаги Аниткабир ёдгорлик мажмуасига ташриф буюриб, Мустафо Камол Отатурк қабрига гулчамбар қўйди.
Давлатимиз раҳбари мажмуадаги музей билан ҳам танишди, фахрий меҳмонлар китобига дастхат ёзди.
Туркия Республикаси Президенти саройида Ўзбекистон Республикаси Президентини расмий кутиб олиш маросими бўлди.
Шундан сўнг давлат раҳбарларининг тор доирадаги учрашуви бўлиб ўтди . Унда мамлакатларимиз ўртасидаги сиёсий, савдо-иқтисодий, маданий-гуманитар ҳамкорликни янада ривожлантириш масалалари атрофлича муҳокама қилинди.
Томонларни қизиқтирган минтақавий ва халқаро масалалар юзасидан фикр алмашилди.

Видео Шавкат Мирзиёев Анқарада катта ҳурмат ва эътибор билан кутиб олинди канала UZBEK TV