ӘКІМ КІРЕРГЕ ТЕСІК ТАППАЙ - ОҢБАЙ СӨЗ ЕСТІДІ!

Бәріңізге ассалаумағаликум. Қойшы әкімнің аузын жапты.
Атыраудың әкімі Махамбет ДОСМҰХАМБЕТОВ Алмасбек Садырбаевты басынғысы келді ме? Әкімдер халықтың қызметшісі екенін неге ұмытып кетеді осы?
Ал астанада орыс депутат қазақ министріне қазақша сұрақ қойды.
Министр болса орысша жауап берді.
Мұндай біздің елде ғана болатын жағдай. Ал Қазақстанда төртінші биліктің орны-жертөле ме? Сенат журналистерді неге подвалға түсіріп тастады? Жаңа Қазақстанның депутаттары неден қауіптенеді? Мұны сізге білген дұрыс!

Әкім мен қойшының ерегесі. Кім кімді сөзбен сойып салды? Қойшы деп отырғанымыз халық үшін шыр-пыр боп жүрген, Shopan-atа қой өсірушілер ұлттық қауымдастығының төрағасы Алмасбек Садырбаев. Ал әкім дегеніміз Атырау облысының басшысы Махамбет ДОСМҰХАМБЕТОВ. Атырау қаласында өткен шаруалар құрылтайында облыс әкімімен аздап сөзге келіп қалған едік…
Жиынды жүргізіп, модераторлық міндетімді атқарып отырсам, “көп сөйлеме” дегендей әңгіме айтты.
Түсінбей қалдым. Соған қарағанда басынғысы келді ғой деймін. Не үшін?! Баяғы ескі әдіске салғысы келе ме? Одан қалды 3 ай бұрын жолыққан кезде қала әкіміне берген тапсырмасы да орындалмаған. Содан тура сол жерде тіке бетіне қарап отырып айтып тастадым…
Кейін жиынымыз жалғасты. Әкімдер халық қызметшісі екенін ұмытпасын. Шалқайып отырып сөйлейтін заман өтті. Иіліп отырып сөйлейтін заман келді. Осы оқиға өзгелерге сабақ болсын деп салып отырмын. Артық мақсат жоқ деп жазды Алмасбек аға өз парақшасында. Енді әкімнің аузы қалай жабылғанын, Алмасбек аға не деп айтқанын көзбен көріңіз, құлақпен естіңіз!
ВИДЕО:
Енді тек Қазақстанда ғана болатын, Қазақстанға ғана тән құбылыс екенін айғақтайтын оқиға жайлы айтайық. Парламентте ұлты орыс, тілі қазақша Геннадий Шипповских деген депутат бар. Ол кезекті бір дөңгелек үстелде Қорғаныс министрінің орынбасары Руслан Шпекбаевқа қару-жарақ саласына қатысты сұрақ қойды. Әрі сұрағын тап-таза қазақша қойды. Былай деп.
" Қаңтар оқиғасына дейін Қорғаныс министрлігі ай қарап жүрді ме, сонда? Қорғанысты дамытуға қыруар қанша қаражат кетіп жатыр. Бұл - бір. Екіншісі, бүгінгі біздің дөңгелек үстел нақты отандық өнеркәсіпке байланысты. Нақты сұрақ қойғым келеді, біз отандық қарулардан не шығарамыз? Құрастыру мәселесінен бөлек, біз не өндіреміз? Ресейде өзіндік "Армата" танкісі бар, Америкада "Абрамс" танкісі шығады. Тіпті кішкентай Израильдің өзі "Узи" қаруын шығарады. Ал бізде қару-жараққа қырғын ақша кетіп жатыр. Ал біз не өндіреміз, не шығарамыз?"

Көтеріп отырған мәселесінің салмағы ауыр. Министр орынбасары не деп жауап берер деп ел күтті. Сөйтсе Шпекбаев мырза орыс ұлтының қазақ тілінде қойған сұрағына орыс тілінде жауап берді.
СНХ: ҮЗІНДІ БАС ЖАҒЫНАН
Мүмкін біреулеріңізге не деп жауап бергені қызық болар. Аударып берейік.
" Біздің республикада советтік система әлі де қалды. Яғни, арнайы қару жарақтар шығаратын бөлімдер бар. Біздің елде ұшақ, ракета, танк сынды құралдар сақталған жоқ. Кеңестік одақтан қалғандары ғана. Оларды шығарудың өзіне келер болсақ, бізден шыққан күнде де бәсекеге қабілетті түрде өндіріледі деп айта алмаймын" деп жауап берді генерал Шпекбаев.

Қорғаныстағы шешілмей жатқан мәселелер өз алдына, біз секілді бір мәселесін отыз жыл бойына сүйреткен ел жер бетінде жоқ шығар, сірә. Қазақ тілін айтып отырмын. Әй бір оңбаймыз, оңбаймыз. Министрлеріміздің түрі мынау болса қалай оңамыз?! Ал Төртінші билікке көрсеткен құрмет болса анау. Сенат журналистерді жертөлеге түсіріп тастады. Соңғы 15 жыл бойы сенаттың екінші қабатындағы баспасөз орталығынан хабар таратып, бірінші қабатта депутаттар мен министрлерге сұрағын қойып, емін-еркін жұмыс істеп жүрген журналистер жертөледен бірақ шықты. Депутаттарды қуып жүріп, сұрақтың астына алатын журналистер енді өйте алмайды. Үстіне көтеріліп болғанша бәрі қашып кетеді. Айтпақшы жертөледегі баспасөз орталығының жанында Сенаттың асханасы орналасқан екен. «Депутаттардан сұқбат алып жатқанымызда ыдыс-аяқтың сылдыры естілсе таң қалмаңыз» деп әзілдеп жатыр тілшілер. Депутаттарды мазаламау үшін ойлап табылған бұл амал биліктің бұқаралық ақпарат өкілдеріне деген көзқарасы қандай екенін анық аңғартса керек. Қазақстандық журналистердің орны жертөледе болса басқасына не айтасың?! Ал Сенат төрағасы Мәулен Әшімбаев бұл жайлы не деді дейсіздер ғой.
«Бұл жерде алаңдайтындай, жазатындай себеп көріп тұрған жоқпын. Бір-бірімізді ренжітпейік. Мен сұрақтардан қашпаймын, жауап беремін. Бір бірімізге құрметімізді жоғалтпай жұмыс істейік. Қазір кабинетіме көтеріліп, аппарат басшылығы мен баспасөз қызметіне тапсырма беремін. Онда жұмыс істеу қаншалықты ыңғайсыз екенін барып көрсін. Сіздер айтып отырған мәселелерге көз жеткізу үшін нұсқау беремін. Сенаттағы тиісті адамдар қарайды. Мен кейін барып қарап көремін».

Депуттар тілшілерге жоғарыдан қарап отырғанына мәз шығар. Әшімбаев журналистерді жертөледен шығармаса нағыз масқара болғаны сол. Сіз үшін білген дұрыс!

Видео ӘКІМ КІРЕРГЕ ТЕСІК ТАППАЙ - ОҢБАЙ СӨЗ ЕСТІДІ! канала BILGEN DURYS