ប្រវត្តិព្រះអសីតិមហាសាវ័ក ភាគ៦ សម្ដែងដោយ ព្រះអង្គគ្រូ ឈួន វណ្ណារ័ត្ន

ព្រះអសីតិមហាសាវ័ក ៨០ រូប ជាព្រះមហាសាវ័ករបស់ព្រះសម្មាសម្ពុទ្ធ
ព្រះថេរ:ទាំង ៨០ រូប មានព្រះអញ្ញាកោណ្ឌញ្ញត្ថេរ ព្រះសារីបុត្តត្ថេរ ព្រះមហាមោគ្គល្លានត្ថេរជាដើម សុទ្ធសឹងតែជាព្រះមហាសាវ័កដែលមានជំនាញឯកទេសដែលគ្មានអ្នកដទៃប្រដូចបាន បាលីហៅថា ឯតទគ្គ: (ឯត + អគ្គ) ឬ (ឯតំ + អគ្គំ) នេះជាទីបំផុត នេះប្រសើរបំផុត គឺបានដល់ភាពជាកំពូលរបស់ភិក្ខុមួយរូបៗ ដូចជាព្រះអញ្ញាកោណ្ឌញ្ញ: ជាកំពូលផ្នែកខាង ជាអ្នកបានបួសមុនគេ និងបានត្រាស់ដឹងព្រះធម៌មុនគេ ព្រះសារីបុត្រ ជាកំពូលផ្នែកខាង ជាអ្នកមានបញ្ញា គ្មានសាវ័កណាស្មើផ្ទឹមបាន ព្រះមហាមោគ្គល្លាន ជាកំពូលផ្នែកខាង ជាអ្នកមានឫទ្ធិ គ្មានសាវ័កណាស្មើផ្ទឹមបានដែរ យ៉ាងនេះជាដើម ។
ដូច្នេះ ព្រះមហាសាវ័ករបស់ព្រះសម្មាសម្ពុទ្ធ បរមគ្រូនៃយើងមាន ៨០ រូប ដូចមានព្រះនាមរបស់លោកខាងក្រោមនេះគឺ ៖
១-ព្រះអញ្ញាកោណ្ឌញ្ញត្ថេរ ២-ព្រះសារីបុត្តត្ថេរ
៣-ព្រះមហាមោគ្គល្លានត្ថេរ ៤-ព្រះមហាកស្សបត្ថេរ
៥-ព្រះអនុរុទ្ធត្ថេរ ៦-ព្រះភទ្ទិយកាឡិគោធាយបុត្តត្ថេរ
៧-ព្រះលកុណ្តកភទ្ទិយត្ថេរ៨-ព្រះបិណ្ឌោលភារទ្វាជត្ថេរ
៩-ព្រះបុណ្ណមន្តានីបុត្តត្ថេរ១០-ព្រះមហាកច្ចាយនត្ថេរ
១១-ព្រះចូឡបន្ថកត្ថេរ១២-ព្រះមហាបន្ថកត្ថេរ
១៣-ព្រះសុភូតិត្ថេរ១៤-ព្រះរេវតខទិរវនិយត្ថេរ
១៥-ព្រះកង្ខារេវតត្ថេរ១៦-ព្រះសោណកោលិវិសត្ថេរ
១៧-ព្រះសោណកុដិកណ្ណត្ថេរ១៨-ព្រះសីវលីត្ថេរ
១៩-ព្រះវក្កលិត្ថេរ ២០-ព្រះរាហុលត្ថេរ
២១-ព្រះរដ្ឋបាលត្ថេរ២២-ព្រះកុណ្ឌធានត្ថេរ
២៣-ព្រះវង្គីសត្ថេរ២៤-ព្រះឧបសេនវង្គន្តបុត្តត្ថេរ
២៥-ព្រះទព្វមល្លបុត្តត្ថេរ២៦-ព្រះបិលិន្ទវច្ឆត្ថេរ
២៧-ព្រះពាហិយទារុចីរិយត្ថេរ២៨-ព្រះកុមារកស្សបត្ថេរ
២៩-ព្រះមហាកោដ្ឋិតត្ថេរ៣០-ព្រះអានន្ទត្ថេរ
៣១-ព្រះឧរុវេលកស្សបត្ថេរ ៣២-ព្រះកាឡុទាយីត្ថេរ
៣៣-ព្រះពាកុលត្ថេរ៣៤-ព្រះសោភិតត្ថេរ
៣៥-ព្រះឧបាលិត្ថេរ៣៦-ព្រះនន្ទកត្ថេរ
៣៧-ព្រះនន្ទសក្យត្ថេរ៣៨-ព្រះមហាកបិនត្ថេរ
៣៩-ព្រះសាគតត្ថេរ៤០-ព្រះរាធត្ថេរ
៤១-ព្រះមោឃរាជត្ថេរ៤២-ព្រះមហានាមត្ថេរ
៤៣-អស្សជិត្ថេរ ៤៤-ព្រះយសត្ថេរ
៤៥-ព្រះវិមលត្ថេរ៤៦-ព្រះសុពាហុត្ថេរ
៤៧-ព្រះបុណ្ណជិត្ថេរ៤៨-ព្រះគវម្បតិត្ថេរ
៤៩-ព្រះនទីកស្សបត្ថេរ ៥០-ព្រះគយាកស្សបត្ថេរ
៥១-ព្រះភគ្គុត្ថេរ៥២-ព្រះកិម្ពិលត្ថេរ៥៣-ព្រះមហាចុន្ទត្ថេរ
៥៤-ព្រះអជិតត្ថេរ ៥៥-ព្រះតិស្សមេត្តេយ្យត្ថេរ
៥៦-ព្រះបុណ្ណកត្ថេរ៥៧-ព្រះមេត្តគូត្ថេរ
៥៨-ព្រះធោតកត្ថេរ៥៩-ព្រះឧបសីវត្ថេរ
៦០-ព្រះនន្ទត្ថេរ ៦១-ព្រះហេមកត្ថេរ
៦២-ព្រះតោទេយ្យត្ថេរ៦៣-ព្រះកប្បត្ថេរ
៦៤-ព្រះជតុកណ្ណីត្ថេរ៦៥-ព្រះភទ្រាវុធត្ថេរ
៦៦-ព្រះឧទយត្ថេរ៦៧-ព្រះបោសាលត្ថេរ
៦៨-ព្រះបិង្គិយត្ថេរ៦៩-ព្រះនាគិតត្ថេរ
៧០-ព្រះនាលកត្ថេរ៧១-ព្រះបុណ្ណត្ថេរ
៧២-ព្រះមេឃិយត្ថេរ៧៣-ព្រះយសោជត្ថេរ
៧៤-ព្រះសភិយត្ថេរ៧៥-ព្រះសេលត្ថេរ
៧៦-ព្រះឧទាយីត្ថេរ៧៧-ព្រះឧបវាណត្ថេរ
៧៨-ព្រះអង្គុលិមាលត្ថេរ៧៩-ព្រះវប្បត្ថេរ
៨០-ព្រះភទ្ទិយត្ថេរ ។
ជាធម្មតាការតែងតាំងតំណែងជា ឯតទគ្គ: នេះ រមែងបានដោយហេតុ ៤ ប្រការគឺ
- ព្រោះហេតុកើតឡើង ១
- ព្រោះការមកមុន ១
- ព្រោះជាអ្នកស្ទាត់ជំនាញ ១
- ព្រោះជាអ្នកក្រៃលែងដោយគុណ ១ ។
ក្នុងហេតុទាំង ៤ យ៉ាងនោះ ព្រះថេរ:រូបខ្លះ រមែងបានតំណែងជា ឯតទគ្គ: ដោយហេតុតែម៉្យាង ។
អង្គខ្លះ បានដោយហេតុ ២យ៉ាង ។ អង្គខ្លះ បានដោយហេតុ ៣យ៉ាង ។ អង្គខ្លះ បានដោយហេតុទាំង ៤យ៉ាងនោះឯង ដូចជាព្រះសារីបុត្តត្ថេរ ។ ពិតហើយ ព្រះសារីបុត្តត្ថេរនោះ បានតំណែងជាឯតទគ្គ: ព្រោះជាអ្នកមានបញ្ញាច្រើន ព្រោះហេតុកើតឡើងខ្លះ ព្រោះហេតុមកពីមុនខ្លះ ។
(អដ្ឋកថា ព្រះសុត្តន្តបិដក អង្គុត្តរនិកាយ ឈ្មោះ មនោរថបូរណី ភាគ៤០ បឋមភាគ) (ឯកនិបាត ឯតទគ្គបុគ្គលវគ្គ វគ្គទី១ អដ្ឋកថា សូត្រទី១) និង (សៀវភៅ ប្រវត្តិព្រះអសីតិមហាសាវ័ក)
ឧយ្យុញ្ជន្តិ សតិមន្តោ ន និកេតេ រមន្តិ តេ
ហំសាវ បល្លលំ ហិត្វា ឱកមោកំ ជហន្តិ តេ ។
ព្រះខីណាស្រពទាំងឡាយ មានស្មារតី រមែងខ្វល់ខ្វាយ រមែងត្រេកអរក្នុងទីនៅអាស្រ័យ លោកលះបង់ចោលស្រឡះនូអាល័យទាំងអស់ ដូចហង្សលះបង់ភក់ហើរទៅ ដូច្នោះឯង ។

Видео ប្រវត្តិព្រះអសីតិមហាសាវ័ក ភាគ៦ សម្ដែងដោយ ព្រះអង្គគ្រូ ឈួន វណ្ណារ័ត្ន канала SIRIPUTTO