Qoraqalpog‘iston dunyoning eng noyob maskanlaridan biri ekanligini bilasizmi?

#xs_uz #narodnoeslovo
Buyuk Britaniyaning “Bradt Guides” nashriyoti 2023-yilda sayohat qilish uchun 16 ta tavsiya etilgan dunyoning eng noyob turistik hududlar ro‘yxatini e’lon qildi.
Unda Estoniya, Chili, Kosta-Rika, Isroil va boshqa sayyohlarni jalb qiluvchi noyob maskanlar qatorida ro‘yxatga Qoraqalpog‘iston Respublikasi ham kiritildi.
Mo‘ynoq tumanida yangi aeroportning ishga tushishi va kelgusida tezyurar poyezdlarning yo‘lga qo‘yilishi natijasida Qoraqalpog‘istonga borish yanada qulay bo‘lgani, Markaziy Osiyodagi eng yirik elektron musiqiy festivalning o‘tkazilishi, Sahrodagi Luvr muzeyining dunyoga mashhur avangard kolleksiyasi, shu bilan birga, tungi osmonning eng qorong‘i zonasi va uning ostida joylashgan o‘tovlar majmuasini alohida ta’kidlab o‘tishgan.
Bugungi kunda Qoraqalpog‘iston Respublikasi hozirgi davr va qadim o‘tmishni bog‘lovchi tirik rishtadir. Buning isboti sifatida 131 arxeologik izlanishlar natijasida topilgan obyektlar, 25 arxitektura namunalari, 89 monumental san’at yodgorliklarida 40 ga yaqin diqqatga sazovor joylarni keltirish mumkin.
Qoraqalpog‘iston Respublikasi Jo‘qorg‘i Kengesi va Madaniyat va turizm vazirligi hamkorligida bir qancha nashriyotlar bilan birgalikda Qoraqalpog‘iston bo‘yicha turistlar uchun qo‘llanma ishlab chiqish loyihasi amalga oshirilmoqda.

Видео Qoraqalpog‘iston dunyoning eng noyob maskanlaridan biri ekanligini bilasizmi? канала Xalq so'zi Online