Весна Петрушевска: Насилниците се несигурни ликови што се јаки зад тастатура

„Девојчињата треба да ги научиме да не поднесат ниту едно сексуално вознемирување на социјалните мрежи, јас сум разговарала со девојчиња кои од вакво малтретирање и уцени завршиле со акутна психоза. Тоа се огромни штети по цена на личноста во развој и треба да се зборува за ова. Имате оддел за сајбер криминал кој очигледно е на стаклени нозе, има и Обвинителство кое по допрен глас треба да реагира и постапи“, рече во емисијата „Стадион“, актерката Весна Петрушевска.
Петрушевска споделувајќи дека нејзиното искуство со институциите било макотрпно.
„Ние издржавме и предаторот си заслужи казна од 12 години, но тој пат треба да се издржи. Ако се борите, борете се до крај. Не е решение да се укине апликацијата, ние треба да се едуцираме, да имаме алатки за казна на предаторите од социјалните мрежи. Тие се лигавци, бесрамници, несигурни ликови кои се јачаат зад тастатура. Тие се дразнат бесрамно и мислат дека се јаки ако разменат некои искуства. Даваат цена на тоа девојченце, на нејзиното тело или фотографија. Тие не се поарни од реалните предатори, јас ги едначам на исто ниво. Тие не размислуваат дека има далекусежни последици сето ова“, потенцира Петрушевска во денешното издание на „Стадион“.

Видео Весна Петрушевска: Насилниците се несигурни ликови што се јаки зад тастатура канала Kanal 77