Eскертусіз газ құбырын қиып кетеді деп ашынған жұрт «Алматы Газ» мекемесінің кеңсесіне жиналды

Апталап газсыз отырмыз деген алматылықтар бүгін «Алматы Газ» мекемесінің кеңсесіне келді. Ешқандай ескертусіз, газ құбырын қиып кеткен мекеменің жұмысына наразы. Тұрғындардың сөзінше көгілдір отын ақысын онлайн төлегендіктен, төлем "АлматыГаз" базасында кейде көрсетілмей қалады екен. Алматы газ проблеманы өздерінен іздегеннің орнына тұрғындарды қыспаққа алады дейді ашынған жұрт. Ал өздерін іздеп келген тұрғындарға мекеме басшылары шықпай қойды.
Ескертусіз келіп "АлматыГаздың" дөрекі қызметкерлері газды қиды да кетті дейді, жиналып жанжал шығарғандар. Айтуларынша бұрындары да бұндай жағдай болып келген. Кеңсесіне көпшілік келе қалса кісімсініп қалатын мұндағы қызметкерлер ешқашан дұрыс жауап бермейді деп ашулы.
ҚУАНЫШ ОРЫНБАСАРЫҰЛЫ, қала тұрғыны:
– Келіп мысалы өшіріп кетті да, бірақ базада жоқ екен да, а каспий кз та квитанция менде бар. Мынау вообще беспорядок қой. Болмайды ғой олай. Бүгін қиып кетті.
Түбіртектегі соманы ғана төлеп жүрдік деген тұрғындар қарызымыздың барын білген жоқпыз дейді. Енді күтпеген жерден берешексіңдеп деп, көгілдір отынды қиып кеткендеріне наразы. Оның үстіне газ құбырын өшіріп, қайта қосқандары үшін ақыны тұтынушы ретінде біз төлейді екенбіз дейді.
ЖАҚСЫЛЫҚ АЗАМАТ, Қала тұрғыны:
– Болмайтын нәрсе үшін қияды да кетеді. Менікін екі күн бұрын қиды. Не себепті болғанда кішкене қарызым бар. Әркімдікі арқалай.
Ал кеңсесіне жиналған жұрттың алдына шықпаған "АлматыГаз" басшылығы бұл жағдайға тұрғындардың өзін кінәләйді.
КҮЛПАШ ДҮЙСЕНҚЫЗЫ, "АлматыГаз" ЖШС бас директордың орынбасары:
– Қарызы болды иә, сол үшін қидық. Қазір ана қарызын төлесін алдымен, отключение подключениесін төлесін. Сонан соң барып қосып береміз. Бүгін ба, алдын ала ескерту квитанцияда жазылады. Почтамен жіберіледі. Все давайте шығыңдар.
«АлматыГаз» жауапкершілігі шектеулі серіктестігі "ҚазстрансГаз" акционерлік қоғамының Алматыдағы серіктесі. Қала халқына көрсетілген газ тасымалдау қызметінің тарифына осы мекеме жауапты. Айтуларынша техникалық қателіктер болса, оны жақын арады реттейді.

Әлібек Шынтемір, Ринат Абулхайыров
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#АлматыГаз #ашынған_халық #коммуналдық_қарыз

Видео Eскертусіз газ құбырын қиып кетеді деп ашынған жұрт «Алматы Газ» мекемесінің кеңсесіне жиналды канала Информбюро 31