Балуан Шолақ ауылы жұрт қызыға қарайтын мекенге айналды.

Шу ауданындағы Балуан Шолақ ауылдық округі бүгінгі күні тұрмысы жайлы, ажары мен сәулеті келіскен елді мекеннің қатарында. Туған жерін түлетіп, ағайынның жағдайына қарасып жүрген ауыл азамттары. Жуырда ғана қазығы қағылған 360 жамағатқа шақталған мешіт ғимаратының құрылыс жұмыстары қарқынды жүргізілуде. Одан бөлек, ауылда алдағы уақытта атқарылатын жұмыстар жоспары да ауқымды. Балуан Шолақ бабаның құрметіне спорт кешенінің, көпшілікке арналған саябақтың салынуы тағы бар. Аз уақыттың ішінде ауыл балалары балабақшаның да қызығын көріп үлгерді. Иә, Елбасының бастамасымен жүзеге асып жатқан «Туған жерге туыңды тік» бағдарламасының жарқын көрінісін осы ауылдан көруге болады. Бұл аталғандар әрине, алдымен ауыл әкімінің ұйытқы болуымен іске асатыны белгілі. Сондықтан Найман Сұлтанбаевтың әкім болып тағайындалғанына көп уақыт бола қоймаса да «тәуекел түбі жел қайық» деп, ауқымды істерге бел шеше кірісіп кеткендігі көпке үлгі. Осы жолы да ауыл әкімінің ұйытқы болуымен Айтжан Әшімханов есімді ауыл тұрғыны әрі жеке кәсіпкер ауылдың кіре берісіне ауылдың аты жазылған, келбеті келіскен белгі орнатып, тұрғындардың ризашылығына бөленуде. Атап өтерлігі, арканың ашылу салтанаты күні, яғни мамырдың 25-де Айтжан Әшімханов мектеп қабырғасында бірге оқыған сыныптастарымен білім алған М.Ғабдуллин атындағы орта мектепте бас қосып, 20 жылдықтарын атап өткен болатын. Сыныптастарымен және ауыл азаматтарымен, ақсақалдармен бірге арканың лентасын салтанатты түрде қиды.Бір кездері мұң-мұқтажы шаш етектен болған Балуан Шолақ ауылы бүгінде жұрт қызыға қарайтын мекенге айналды. Тұрғындардың ауызбіршілігі мен ұйымшылдығы, қоғамдық ортадағы белсенділігінің артқандығы да байқалады.Сондықтан бұл ауылға қарап азаматын тануға болады.

Видео Балуан Шолақ ауылы жұрт қызыға қарайтын мекенге айналды. канала Жумахан Чекаев