«Теңізшевройл» компаниясына 1 млрд теңгеге жуық айыппұл салынды

Атырау облысындағы «Теңіз» кенішін игеріп жатқан «Теңізшевройл» компаниясына қоршаған ортаны ластағаны үшін 1 млрд теңгеге жуық айыппұл салынды.

Табиғат пайдаланушы 2013 жылы бір ай бойы ілеспе газды алау арқылы жағып келген. Ал еліміздің жер қойнауын пайдалану заңнамалары бойынша мұндай әрекетке қатаң тиым салынған.

Осыған қарамастан заңды белшесінен басқысы келген шетелдік компания осылай ірі көлемде айыппұл төледі. Прокурорлардың ықпалымен бұл іске ақыры үш жылдан соң ғана нүкте қойылды. Қалалық прокуратураның табанды талабы негізінде мамандандырылған ауданаралық экономикалық сот компанияға қомақты айыппұл төлеуге шешім шығарды.

Руфат Құттықов, қала прокуроры

- Қалалық прокуратураның тексеруінен кейін аталған компания игеріп жатқан екі бірдей кен алаңында заңсыздыққа жол берілгендігі анықталды. Кәсіпорын 17 миллион текше метрден астам улы газды ауаға жаққан. Қоршаған ортаға келтірілген залалға сәйкес оларға 960 млн теңге айыппұл салынып, аталған қаржы мемлекет пайдасына шешілді.

Видео «Теңізшевройл» компаниясына 1 млрд теңгеге жуық айыппұл салынды канала Khabar Novosti