Размова са Шчыгельскім: пра суб'ектнасьць палітычных групаў і будучыню Беларусі

Пыталіся ці варта мне паразмаўляць са Шчыгельскім? Паразмаўляў. Загадзя тэму не ўзгаднялі й вырашылі пайсьці па плыні спрэчкі. Пачалі, для затраўкі пра тое, як зьмяняецца сьвет навокал і чаму варта на гэтае зважаць.
Далей перайшлі на магчымасьці выкруціцца для Лукашэнкі а таксама на ролю розных палітычных групаў у Беларусі ды за яе межамі. Скончылі на пытаньні што рабіць. Агулам, бо дэталізацыя залежыць ад кожнай асобна узятай групы.
Традыцыйна размаўлялі гадзіну, а часу ўсё адно было замала.
Таймкоды
00:00 Пачатак і затраўка
01:50 Анэксія Крыма, развал Ялтынскае сыстэмы. Гэтага багата што не пабачыў. А Пуцін не пабачыў праблемы, якая факусуюецца ў украінскай фразе «а я так хОчу».
07:26 Артыкул на РІА «Новості» пра расейскае бачаньне «дэнацыфікацыі». Гэта не пра Украіну. Гэты артыкул – пераклад прамоваў Пуціна «для тупых». І няма розьніцы беларус ты ці ўкраінец – РФ адмаўляе ў праве на існаваньне нацыям. Што гэта азначае для нас?
09:56 Беларусь і новыя варункі. Пытаньне суб“ектнасьці й чаму падыход «мы просім дапамогі» убогі па сваёй сутнасьці. Ты маеш прапаноўваць нешта канкрэтнае. Фактар пазыцыянаваньня Беларусі, зьмена стаўленьня й фактар Украіны. Акупаваць РФ ніхто не будзе. Для Беларусі пытаньне па «які бок рова з кракадзіламі» апынецца краіна. Працаваць на развал РФ ніхто ня будзе.
16:10 Але, нягледзячы на вайну ў Украіне, у ЗША іншая праблема №1 – Кітай. І тут важнае пытаньне пазыцыянаваньня як РФ так і Беларусі датычна іншых сілаў. У рэгіёне ўзьнікла адразу некалькі краінаў, што будуць уплываць. Гэта карэнным чынам адрозьніваецца ад сітуацыі 2010, 2014 гадоў. Гэта шанец для Беларусі гуляць на балансах. Але гэта і шансы для рэгіянальных гульцоў і іх бачаньня на Беларусь. Шчыгельскі ня згодзен з апошнім.
20:00 Суб“ектнасьць Беларусі трэба дэманстраваць. І тут пытаньне ня толькі да атачэньня Лукашэнкі, але й для ягоных апанэнтаў. Пра палітычны выбар для краіны, камунікацыю тэзаў і справы. Канцэпцыі нейтральнасьці, канцэпцыя «добры сябра вялікага сябра» якія могуць быць магчымасьцямі для Менску. Ключавое – як Беларусь будзе паводзіць сябе калі пачнуць «жэрці расею»
22:13 Ад «хто вінаваты» да што рабіць. Даем вызначэньне суб“ектнасьці і спрабуем паглядзець на ключавых гульцоў праз 4 ключавых прыкметы. Афіцыйныя улады вымушаныя будуць дэманстраваць магчымасьці. Пра першыя крокі й практычныя размовы па паляпшэньню адносінаў з суседзямі. Чаму немагчыма «адразу» але магчыма паступова.
34:22 Суб“ектнасьць па паліцах і бачаньне будучыні. Офіс Ціханоўскай, НАУ Латушкі, група Цапкалы ды іншых. Старыя дэмакратычныя партыі «сьпяць» але могуць згуляць. А таксама вялікая спрэчка ці ёсьць зараз актарам група Бабарыкі ці яна таксама «спіць» у чаканьні лепшых часоў.
47:12 Па просьбе Дьмітрыя асобна пра Супраціў. У чым бяда й слабасьць ініцыятывы.
49:40 У атачэньні Лукашэнкі ёсьць ідэя транзыту. Але гэтай групе ня вераць. Упершыню за апошнія гады крытычная роля ягоных апанэнтаў. І задача мінімум для тых хто прэтэндуе на ўладу – заявіць чаго менавіта ты хочаш. І што такое уплыў на тэзы.
І як заўсёды, засталася яшчэ купа пытаньняў да дыскусіі.
Падтрымаць канал – падпісацца на патрэон: https://www.patreon.com/ihar_Tyshkevich

Видео Размова са Шчыгельскім: пра суб'ектнасьць палітычных групаў і будучыню Беларусі канала ihar Tyshkevich