წაბლანას ტრაგედიიდან 25 წელი გავიდა

25 წელი გვაშორებს 1989 წლის 19 აპრილის ტრაგედიას - 9 აპრილიდან 10 დღის შემდეგ სრულიად საქართველო აჭარის მაღალმთიანეთში, ხულოს რაიონის სოფელ წაბლანაში განვითარებულმა მოულოდნელმა სტიქიურმა მოვლენებმა შეძრა - მეწყერმა 23 ადამიანი იმსხვერპლა.
- საქართველოს ცრემლზე ცრემლი, იარაზე იარა დაემატა. ეს დღე არა მხოლოდ აჭარის, არამედ მთელი ჩვენი ქვეყნის ტკივილად იქცა, - განაცხადა აჭარის ავტონომიური რესპუბლიკის უმაღლესი საბჭოს თავმჯდომარემ ავთანდილ ბერიძემ ბათუმში 19 აპრილს დაღუპულთა მემორიალთან გამართულ ღონისძიებაზე. 6 მაისის სახელობის პარკში ამ დღეს საკანონმდებლო ორგანოს თავმჯდომარემ, დეპუტატებმა, აღმასრულებელი ხელისუფლების, ქალაქის თვითმმართველობისა და საზოგადოების წარმომადგენლებმა ყვავილებითა და გვირგვინებით შეამკეს მემორიალი და კიდევ ერთხელ გაიხსენეს დაღუპულები.

Видео წაბლანას ტრაგედიიდან 25 წელი გავიდა канала აჭარის არ უმაღლესი საბჭო