OYNAQ AĞRILARI - ARTRALGİYA və s.

Oynaq ağrısı (Artralgiya) müxtəlif tip zədələnmə və xəstəliklərin əlaməti kimi meydana çıxır. Artralgya (İngiliscə Arthralgia) yunan sözləri olan arthro-, oynaq + -algos, ağrı sözlərindən götürülmüşdür və oynaq ağrısı deməkdir. Bəzi mənbələr artralgiyanı artiritlərdən fərqləndirilir və oynaqların qeyri-iltihabi ağrılarını nəzərdə tuturlar. Bəzi hallarda oynaq ağrıları ev tədbirləri (massaj, ayağı isti suya salma) vasitəsilə keçsə də əsasən mütəxəssis həkimə müraciət etməyə ehtiyac duyulur.
Səbəbləri
- Revmatoid artritlər kimi autoimmun xəstəliklər
- Bursitlər
- Podaqra
- Xondromalyasiya (İngiliscə Chondromalacia) oynaqlarda, xüsusən də diz oynağında qığırdağın degenerasiyası
- Epstein-Barr Virusu sindromu
- Hepatitllər
- Qrip
- Lyme xəstəliyi
- Qızılca
- Parotit
- Zədələnmə və sınıqlar
- Osteoartiritlər
- Osteomielitlər
- Septik artirilər
- Tendonitlər
Müayinə və müalicə
Oynaq ağrılarının müalicəsi üçün ilk növbədə səbəbi dəqiq müəyyən edilməli və səbəb ardan qaldırılmalıdır. Həkiminiz sizə oynaqların Rentgen müayinəsi, qanın ümumi analizi, artrosintez kimi müayinələr təklif edə bilər.Bəzi hallarda oynaq ağrıları qeyri-iltihabi səbəblərdən meydana çıxır və massaj, ayağı isti suya salma kimi tədbirlərlə asanlıqla aradan qalxır.
Diz ağrıları ilə həkimə həm artritdən əzab çəkən yaşlı insanlar, həm fiziki məşqlərdən sonra ağrıdan şikayət edən idmançılar, həm də gecə dizləri ağrıyan gənc analar müraciət edirlər. Dizlərdə ağrının səbəbini aydınlaşdırmaq üçün tam müayinədən keçmək lazımdır.
Diz ağrılarının səbəbi ayaq altının yastı olması, fəqərə sümüyü diskləri arasında qrıja, varikoz və ya çanaq-bud oynağının travması da ola bilər. Buna görə, əgər siz səbəbini bilmədiyiniz diz ağrısı ilə həkimə müraciət edirsinizsə, bu zaman ehtimal ki, sizə həkimin operativ müdaxiləsi lazım olacaq.
Diz ağrılarının səbəbi çox vaxt travmalar olur. Aktiv idman məşqləri zamanı siz büdrəyə və ya səhv hərəkət edə bilərsiniz ki, bu zaman diz fincanı yerini dəyişə, menisk zədələnə və ya nəsə başqa hadisə baş verə bilər.
Səbəbini bilmək istədiyiniz diz ağrıları həmçinin oynaqların xroniki xəstəliyinin nəticəsi ola bilər. (məsələn, diz oynağının artrozu).
Diz ağrılarının müalicəsi
Sizlərə diz ağrısı vaxtı bir neçə məsləhət təqdim edirik ki, onlar sizə ağrı hissini bir qədər yüngülləşdirməyə kömək edəcək. Lakin unutmayın ki, müalicə istənilən halda peşəkar tibbi kontrol altında keçməlidir.
Əgər siz ağrının səbəbi kimi fiziki məşqləri görürsünüzsə, bu zaman bir müddət idmandan uzaqlaşmağa çalışın. İstirahət zamanı dizinizin altına kiçik bir döşəkcə qoyun.
Ağrının üstünə buz və ya soyuq bir şey qoyun. Bu ağrı hissini və şişkinliyi aradan qaldıracaq. Belə soyuq kompreslərdən gün ərzində bir neçə dəfə 10-20 dəqiqəlik istifadə etmək tövsiyə edilir.
Əgər ağrı travma nəticəsində yaranıbsa, bu zaman oynağı istilik təsirindən uzaq saxlayın (isti vanna və ya duş qəbul etməyin və s.).
Əgər 2 gündən sonra dizlərdə şiş və ağrı hissi yox oldusa, bu zaman zədələnmiş yerə ilıq kompreslər qoyun və oynağın elastikliyini bərpa etmək üçün kiçik tapşırıqlar etməyə başlayın.
Əgər ağrıyan yeri elastik bintlə bağlasanız, şiş çəkiləcək. Lakin bu zaman olduqca diqqətli davranmaq lazımdır ki, zədələnmiş yer çox sıx bağlanmasın, əks halda siz daha böyük problem yarada bilərsiniz.
Oturduğunuz və ya uzandığınız vaxt şişkinlikdən qaçmaq üçün ağrıyan dizinizi ürək səviyyəsinə qaldırın.
Diz ağrılarına dözmək lazım deyil. Mümkün çətinliklərdən qaçmaq üçün mütləq həkimə müraciət edin.

Видео OYNAQ AĞRILARI - ARTRALGİYA və s. канала rahat lukum