▶️ Барномаи хaбарии ИМРӮЗ - 11.12.2020 | AZDА TV | برنامه ای خبری امروز اخبار تاجیکستان

- Додари маро ба ҳеч куҷо намебаред! Шуҷоати як зан дар баробари қонуншиканиҳои кормандони мақомоти қудратӣ

Дар шабакаи иҷтимоии Фейсбук корбаре бо номи Нигина Салимова дар саҳифаи фейсбукияш рӯзи 9-уми декабри соли равон бо нашри наворе аз ғайриқонунӣ ва дар байни роҳ дастгир шудани бародараш аз ҷониби кормандони ШВКД Сино 2 ба шаҳрдории Душанбе шикоят кардааст.
- Мусофирон: касе бо “Сомон Эйр” парвоз мекунад, аз хонааш хӯроки роҳро бо худ бигирад

Рӯзи панҷшанбе 10 декбари соли равон бо сабаби фаромадани туман дар шаҳри Душанбе, се ҳавопаймои ширкати “Сомон Эйр”, ки аз Маскав, Новосибирск ва Сургут ба Душанбе парвоз доштанд, дар Фурудгоҳи байналимиалии Хуҷанд фуруди изтирорӣ анҷом доданд.
- Олимҷанг дар Академияи илмҳои Ҷумҳури Тоҷикистон

Сомонаи “Фараж” шикояти олимони Академия Илмҳои Ҷумҳури Тоҷикистонро ба нашр расонидааст, ки олимон дар мавриди маҳалгароӣ хешутаборгароӣ ва ҷой доштани одамони тасодуфӣ дар Акдемияи илмҳо шикоят кардаанд.
Вале масъулини Академияи илмҳо гуфтаанд, ин нафарон ба чандин зинаҳои дигар ҳам мактуби шикоятӣ навишта буданд ва ин масъала аз ҷониби Прокуратураи генералӣ мавриди таҳқиқ қарор гирифтааст.
- Аз ин ба баъд истифодаи барқ пурра назорат мешавад

Бо дастури ҳукумати Тоҷикистон дар ҷумҳурӣ рӯзи 10 декабри соли равон Ситоди ягонаи ҷумҳуриявӣ оид ба назорати истифодаи сарфакоронаи нерӯи барқ ва ошкор намудани ҳолатҳои пайвастшавии ғайриқонунӣ ба шабакаҳои барқӣ таъсис дода шуд. Дар ин бора сомонаи расмии ВКД хабар дод.

Ба навиштаи ин сомона таҳти роҳбарии Вазири корҳои дохилӣ Раҳимзода Рамазон ҷаласаи якҷояи намояндагони сохторҳои Вазорати корҳои дохилӣ, Кумитаи давлатии амнияти миллӣ, Прокуратураи генералӣ, Агентии назорати молиявӣ ва мубориза бо коррупсия, Кумитаҳои кор бо ҷавонон ва варзиш, кор бо занон ва оилаи назди Ҳукумати Ҷумҳурии Тоҷикистон, ҳамчунин намояндагони Вазорати энергетика ва ШСХК «Барқи Тоҷик» доир гардид.
- Дуздии беш аз 1 миллион $ аз ҳисоби бонкии як бознишаста

Хабаргузории ФАН (Федеральное агентство новостей) аз манбааш аз пулиси шаҳри Санкт-Петербурги Русия хабар додааст, ки як марди 43-солаи зодаи Тоҷикистон ва сокини 23-солаи Архангелскро бо иттиҳоми қаллобӣ ба маблағи бузург дастгир кардаанд.
Бино ба иттилои ин хабагузорӣ ин ду нафар ба дуздии 114 миллион рубл (ҳудуди 1 миллиону 550 ҳазор доллар) аз ҳисоби бонкии як ҷабрдида гумонбар мешаванд.
Гуфта мешавад, гумонбарон то поён ёфтани тафтишот ба ҳабси пешакӣ гирифта шудаанд.
Бино ба маълумоти интишоргардида, дар таърихи 25 сентябр як бознишастаи 76-солаи рус, ба пулис дар мавриди аз ҳисоби бонкиаш дуздиа шудани 114 миллиону 781 ҳазору 120 рублро хабар додааст.
----------------------------------------------------------------
Azda tv дар шабакаҳои иҷтимоӣ:
⬇️
Youtube: http://www.youtube.com/c/Azdatv
Facebook: https://www.facebook.com/azda.tv
Instagram: https://www.instagram.com/azdatv/
Telegram: https://t.me/AZDATV
Twitter: https://twitter.com/AzdaTv
OK:https://ok.ru/profile/573629092185
Вебгоҳ: https://azda.tv/

Матлабу пешниҳод ва аксу наворҳои худро ба шумораи зер бифиристед:

Whatsapp/Viber/Imo☎: +48 519 767 404
------------------------------------------------------------------------------------------------------------
AZDO TV was established with the purpose of promoting freedom of expression, freedom of speech, democratic values, respect for pluralism, and providing a free platform for all segments of society. The project is being implemented and funded for one year with the support and assistance of the National Endowment for Democracy (NED).
We adhere to international standards and ethical norms of journalism in our media activities.
The main principle of the AZDO TV network is accuracy, truthfulness, pluralism, justice, and respect for human rights and freedoms.
Our motto is “Freedom of the media is the cornerstone of a democratic society”
#Azdatv #Имруз #Аздотв

Видео ▶️ Барномаи хaбарии ИМРӮЗ - 11.12.2020 | AZDА TV | برنامه ای خبری امروز اخبار تاجیکستان канала Azda tv