Айбек Әбдірахманов - «Qaharman qazaq»

«Qaharman qazaq» жобасы қысылтаяң кезде батылдық танытқан бейбіт күннің нағыз батырлары жайлы әңгімені жалғастырады.
Солардың бірі Шығыс Қазақстан облысының тұрғыны Айбек Әбдірахманов 7 адамды өрттен құтқарды.
«Түнгі сағат бір шамасы. Әлдебір шаруамен бір жерге кетуім керек еді. Такси шақырып, көшеге шықтым. Такси келмеді, мүмкін жүргізуші үйді таба алмаса керек. Кенет ыстың иісін сездім. Көше бойымен сәл жүріп едім, көрші үйдің өртеніп жатқанын көрдім», - деп есіне алады Айбек.
Айбек дереу өрт сөндірушілерді шақырып, үйге қарай жүгірген. Үйде жарық болмады.
Сөйтсе өрт кезінде отбасы ұйықтап жатқан екен. Ал олар оянған кезде шатырдың ағаштары, төбелері, дәліздің терезелері, жиһаздар мен жеке заттар отқа оранған еді.
Айбек бірнеше минут айқайлап, терезені жағалай қаққан. Ал олар оянған кезде Айбек терезе арқылы үйден шығуына көмектесті.
«Барлығы көзді ашып-жұмғанша тез болды. Өрт көлемі ұлғайып бара жатты! Мен әрбір терезеге жүгірдім, айқайладым... Меніңше, таксидің келмегені – бұл құдіреті күшті Құдайдың қалауы сияқты. Мен сол сәтте сол жерде болуым керек болғандай. Әйтпесе, соңы сұмдық оқиғамен аяқталар ма еді... », - дейді Айбек.

Видео Айбек Әбдірахманов - «Qaharman qazaq» канала Фонд Нурсултана Назарбаева