Yekun xəbərlər 17.12.2020 (Xəbər Saatı) ƏLA: Zəngəzur bu yolla QAYTARILACAQ!

Hadrutda Ermənistan ordusunun 73 hərbçisi itkin düşüb.
Yenisabah.az xəbər verir ki, bu barədə Ermənistan mətbuatı məlumat yayıb.
Öz növbəsində ölkə hakimiyyəti yerli KİV-i itkin düşən hərbçilərin sayı barədə ziddiyyətli informasiyalar yaymaqda ittiham edib. Qeyd edilir ki, ayrı-ayrı mətbu orqanlarda itkin hərbçilərin sayı 171 nəfər göstərilir.
“News.am”ın məlumatına görə, Ermənistanın hərbi rəhbərliyi 71 hərbçidən məlumatsız olduqlarını etiraf edib. 
Ermənistanda Dağlıq Qarabağda Rusiya ilə Azərbaycanın toqquşmasında maraqlı olan qüvvələr var.
“Yeni Sabah”bildirir ki, bunu Rusiyanın “İnfo24” nəşrinə hərbi ekspert, "Milli Müdafiə" jurnalının baş redaktoru İqor Korotçenko deyib.
Onun sözlərinə görə, bu məqsədlə regionda Rusiya sülhməramlılarının yerləşdiyi zonada təxribatlar törətməyə cəhd edə bilərlər.
"Yerevanda və onun hüdudlarından kənarda müəyyən dairələr var ki, onlar Rusiya və Azərbaycanı hansısa təxribat törətməklə üz-üzə qoymaq istəyirlər. Onlar kifayət qədər nüfuzlu insanlardır və yaxşı mövqelərdədirlər. Onlar Moskva və Bakını  üzbəüz toqquşdurmaqda və bu bulanıq suda öz balıqlarını tutmağa çalışmaqda maraqlıdırlar. Məhz buna görə də "Dağlıq Qarabağ respublikası"nın statusu məsələsi yenə də ortaya çıxır, halbuki artıq bu barədə söhbət getməməlidir. Əlbəttə ki, bütün bunlar boş yerdən ortaya çıxmır. Erməni mühitində və erməni lobbiçiləri arasında hələ də bu kartla oynamaq istəyən müəyyən maraqlı qüvvələr var. Elə görünürdü ki, bu kart 44 günlük müharibənin nəticələrinə görə artıq çoxdan vurulub, lakin bu məsələ yenidən qaldırılır. Bu, vəziyyətin gərginləşməsini istəyən müəyyən qüvvələrin olduğu barədə fikirlər yaradır”, - deyə İ.Korotçenko bildirib.
İqor Korotçenko həmçinin güman edir ki, Ermənistan baş naziri Nikol Paşinyanın hakimiyyəti dövründə Rusiya, Ermənistan və Azərbaycanın imzaladığı üçtərəfli Sazişin şərtləri yenidən nəzərdən keçirilməyəcək: "Hər halda Paşinyan onların təftişini həyata keçirmək niyyətində deyil. Mən belə başa düşürəm ki, bu müzakirə olunanda və Putin ilə Paşinyan arasında telefon danışıqları olanda erməni baş naziri anlayıb ki, imzaladığı bütün işləri yerinə yetirəcək. Əslində, belə də oldu. Odur ki, Putinin böyük auditoriya qarşısında söylədiyi fikirlər Paşinyanı dəstəkləmək deyildi, amma Kreml ən azı onun boynuna gir bağlamaq və Paşinyanı dənizin dibinə göndərmək məqsədi güdmürdü. Bu yox idi. Paşinyana Kremlin bu cür münasibətinin nə qədər davam edəcəyi isə başqa məsələdir. O, çıxılmaz vəziyyətdədir... İndi onun qarşısında Moskva ilə bağlı loyallıqla (ən azı xarici) təmin oluna biləcək siyasi mənada sağ qalmaq məsələsi durur. Bu cür loyallığın elementlərindən biri üçtərəfli sazişin yerinə yetirilməsidir. Buna görə də istəsə də, istəməsə də, Paşinyan onu hər halda, yerinə yetirəcək". /
Ermənistanın Baş naziri Nikol Paşinyanın hakimiyyətdən devrilməsi prosesinə start verilib. 
Yenisabah.az xəbər verir ki, artıq erməni mediası Paşinyanın yaxın vaxtlarda devrilə biləcəyini yazır. Baş nazirin hətta erkən parlament seçkiləri keçirmək şansı belə yoxdur. Baxmayaraq ki, artıq Paşinyan və komandası növbədənkənar parlament seçkilərinin keçirilməsinin zəruri olduğunu düşünürlər.
Erməni mediası xüsusilə ölkənin ikinci prezidenti Robert Köçəryanın bu günlərdə Rusiyaya üçgünlük səfərinə diqqət çəkir. Bildirilir ki, Köçəryan artıq Moskvadadır. Doğrudur, bu qəfil səfər maliyyə korporasiyası olan “Sistem” SC-nin direktorlar şurasının iclasında iştirakla da əlaqələndilir. Çünki Robert Köçəryan da bu korporasiyanın direktorlar şurasının üzvüdür. Lakin bu məsələnin görünən tərəfidir.
Köçəryanın Rusiyadakı erməni diasporası və siyasi dairələrlə görüş keçirəcəyi barədə ehtimallar var. Hətta onun Rusiyanın Prezidenti Vladimir Putinlə də görüşəcəyi istisna deyil.
Rusiya ilə imzaladığımız memorandumda açıq şəkildə göstərilib ki, müşahidə nöqtələri Azərbaycanın göstərdiyi yerlərdə olacaq.
Yenisabah.az xəbər verir ki, bunu Türkiyənin xarici işlər naziri Mövlud Çavuşoğlu 24 TV-yə müsahibəsində deyib.
Nazir qeyd edib ki, Dağlıq Qarabağda atəşkəsə nəzarət üzrə Türkiyə-Rusiya ortaq monitorinq mərkəzi Ağdamda yerləşəcək:
Ermənistanın Sünik bölgəsinin (tarixi Zəngəzur ərazisi) Qafan şəhərində etiraz aksiyası keçirilir.
Publika.az xəbər verir ki, qəzəbli kütlə istifadəyə hazır olan və lakin hazırda işləməyən Qafan hava limanının yanındakı yolu bağlayaraq nəqliyyatın hərəkətinə imkan vermir.
Aksiyanın səbəbi bölgə ilə həmsərhəd olan Dağlıq Qarabağın Azərbaycan tərəfindən işğaldan azad edilməsindən doğan narahatlıqdır. Bölgə əhalisi Sünikin də Azərbaycana kompensasiya qarşılığında veriləcəyindən qorxur.
Etirazçılar səlahiyyətli qurumlardan açıqlama alana qədər yolu bağlı saxlamaq niyyətindədir.
Azərbaycan Prezidenti İlham Əliyev dəfələrlə İrəvan kimi Zəngəzurun (Sünik bölgəsi) da Azərbaycanın tarixi torpağı olduğunu bəyan edib.
Qeyd edək ki, Ermənistanın müdafiə naziri Vaqarşak Arutyunyan bu gün Sünik bölgəsinə gedib.

Видео Yekun xəbərlər 17.12.2020 (Xəbər Saatı) ƏLA: Zəngəzur bu yolla QAYTARILACAQ! канала Musa Media