ნიკა მელიას სიტყვა პარლამენტის პლენარულ სხდომაზე - 26/06/2019

„მე ვთხოვე ჩემს კოლეგებს კატეგორიულად, რომ დღეს ეს სურათი ყოფილიყო. მე დღეს ვარ მარტო, თქვენ ხართ ბევრნი, მე ვარ ამაყი, მაგრამ თქვენ არ ხართ ამაყები, მე დღეს ვარ თავისუფალი, მაგრამ თქვენ თავს გრძნობთ უხერხულ მორჩილებაში, მე ძალიან ბევრი რამ მექნება სათქმელი ჩემი შვილებისა და შვილიშვილებისთვის სიამაყით, ვფიქრობ თქვენ ძალიან ცოტა რამ გექნებათ სათქმელი სიამაყით, განსაკუთრებით თუ გავითვალისწინებთ იმ ეპიზოდს, როდესაც მტერი ჩასვით პარლამენტის თავმჯდომარის სავარძელში. მე დღეს მგონია, რომ ვარ ისტორიის სწორ მხარეს, მე მჯერა, რომ თქვენ ხართ ისტორიის არასწორ მხარს. მე შემიძლია, თითოეულ თქვენგანს თვალი გაგისწოროთ, მაგრამ თქვენ არ შეგიძლიათ და ეს იგრძნობა ამ დარბაზში, დიახ, დღეს მე ვარ მარტო, თქვენ ხართ ბევრნი და თქვენ დღეს აპირებთ ჩემს დაჭერას, მაგრამ მე ვარ ამაყი, მე მაქვს ზეიმი და თქვენ გაქვთ პანაშვიდი, დღეს თქვენ განაჩენს მე ვერ გამომიტანთ და ღილაკზე მიჭერით თქვენ უბრალოდ თქვენს ბედს და საკუთარ ცხოვრებას განსაზღვრავთ, ასე რომ, წარმატებები. დღეს ამის თქმასაც არ ვაპირებდი, რომ არა ის ცილისწამება კოლეგების მიმართ. “

Видео ნიკა მელიას სიტყვა პარლამენტის პლენარულ სხდომაზე - 26/06/2019 канала ერთიანი ნაციონალური მოძრაობა