Mayor, iba pang Cabiao official inireklamo ng konsehal vs corruption

Nagtungo si Cabiao, Nueva Ecija Councilor Julito ‘Jumar’ Wycoco sa Office of the Ombudsman sa Agham Rd, Quezon City ngayong Miyerkoles, Mayo 22, 2024 upang maghain ng criminal at administrative charges laban kina Cabiao, Nueva Ecija Mayor Ramil Rivera, Vice Mayor Marcelino Simbillo, Councilor Rav Kevin Rivera, dating SK Federation President Leonard James Galang at businesswoman Ma. Luisa S. Galang matapos diumano masangkot ang mga ito sa graft and corrupt practices sa kanilang munisipalidad.

Ayon kay Wycoco, ang disbursement ng mga oil, lubricants, at gasoline expenses ng kanilang munisipalidad ay galing din mismo sa pamilya ni Mayor Rivera partikular sa kanyang anak na si Konsehal Rav Rivera, kanyang balae, kapatid ng vice mayor, at anak ng kanyang manugang.

Hindi umano dumaan ang mga disbursement sa bidding at wala ring kontrata.

Binulgar din ni Wycoco na hindi umano maayos ang paggamit ng pondo ng kanilang munisipalidad partikular ang ₱33 milyong pondo na nakalaan para sa mga senior citizen, PWD kung saan walang natanggap ang mga ito.

Dagdag pa ni Wycoco, mayroon ding ₱34 milyon na para sa pagawaing pangbayan na hindi naman naisakatuparan.

#Teletabloid #NewsPH

Видео Mayor, iba pang Cabiao official inireklamo ng konsehal vs corruption канала Abante