Kritik görüşə saatlar qalıb – ermənilərin sürprizi nə ola bilər? – Elxan Şahinoğlu “Canlı debat”da

Canlı Tv, Azərbaycan, TvMusavat, Xəbər, xəbərlər, xəbərlər, son dəqiqə, xəbərlər bugün 2022, xəbər zamanı, siyasət, canlıdebat, xəbər zamanı, təcili xəbər, yenixəbər, son xəbərlər #Xəbər #Canlı #TvMusavat Xankəndi ilə bağlı Bakının həll planı nə?
Ötən həftəsonu Araik Arutyunyanın, hələ də özünü “parlament spikeri” kimi təqdim edən Artur Tovmasyanın, eləcə də “xarici işlər nazirliyi”nin Qarabağda keçirilmiş qondarma “müstəqillik referendumu” ilə bağlı ayrı-ayrı müraciətləri yayılıb. Hər üç müraciətdə “artsax”ın heç vaxt Azərbaycanın tərkibində olmayacağı”, “mübarizə davam edir” və sairə kimi sərsəm ifadələr yer alır. İçi boş bəyanatlar olsa da, Qarabağa qayıtmış ermənilərin əhval-ruhiyyəsinin göstəricisi kimi diqqət çəkir.
Arutyunyanın müraciətində isə bəzi məqamlar var. O, Rusiya prezidentinə təşəkkür edib və “sülhməramlıların “artsax”da mövcudluğuna təminat verilənə və sülhməramlı qüvvələrə ehtiyac aradan qalxana qədər bölgədə qalmasının vacibliyini” bildirib. İcma rəhbərinin müraciətindən anlaşılır ki, ermənilər qanunsuz silahlıların bölgədən çıxarılması barədə 10 noyabr razılaşmasını yerinə yetirmək fikrində deyillər. “Təhlükəsizliyin təmin edilməsi üçün Müdafiə Ordusunun imkanlarını ardıcıl inkişaf etdirilməliyik. Son bir ildə artıq müəyyən nəzərəçarpacaq işlər görülüb, ildən-ilə biz öz təhlükəsizlik mexanizmlərimizin effektivliyini artıracağıq”.
Bu bəyanatlardan həm də o aydın olur ki, bir neçə ay əvvəllə müqayisədə ermənilər bir az arxayınlaşıb, Rusiya sülhməramlılarına güvənləri artıb və bu səbəbdən dilləri də uzanıb. Ermənilərin məskunlaşdıqları ərazilərlə bağlı Bakının yaxın illər üçün hansı həll planı olduğu haqda bilgi yoxdur. Xankəndinə dəmir yolu xətti çəkmək barədə qərarlılıq yaxşı haldır. Hamı o da başa düşür ki, 30 illlik münaqişənin nəticələrini, 100 illik erməni düşmənçiliyini aradan qaldırmaq asan iş deyil. Tərəflər bu iş üçün ilkin olaraq 5 il zaman götürüblər və sülhməramlıları da bu müddətə dəvət edilib. Bəlkə də daha 5 il də lazım olacaq, bu barədə də düşünmək və qərar vermək lazım gələcək. Amma razılaşaq ki, hər şey bu cür qala, bu cür davam edə də bilməz. Əks halda, biz yeni “status-kvo” ilə üzləşə bilərik. O halda Bakının Xankəndi (Qarabağa qayıtmış ermənilərlə bağlı) ilə bağlı hansısa proqramı, təklifləri varmı, bundan sonra nə olacaq?

Brüssel görüşü: Rusiyadan Paşinyana “qırmızı xətt xəbərdarlığı

Bu gün dekabrın 14-də Brüsseldə Azərbaycan prezidenti İlham Əliyevlə Ermənistanın baş naziri Nikol Paşinyan arasında Avropa İttifaqı Şurasının rəhbəri Şarl Mişelin iştirakı ilə üçtərəfli görüş olacaq. Bu barədə Brüsseldə, “Şərq Tərəfdaşlığı” ölkələrinin dekabrın 15-də keçiriləcək sammiti ərəfəsində jurnalistlərə Avropa İttifaqının yüksək rütbəli nümayəndəsi bildirib. Avropa İttifaqı Şurasının sədri bu gün Ermənistanın baş naziri və Azərbaycan prezidenti ilə əvvəlcə ikitərəfli görüşlər keçirəcək. Elə bu gün də onlarla üçtərəfli görüş olacaq. Görüşün niyə elan olunduğu kimi dekabrın 15-də deyil, bir gün əvvələ təyin edilməsi haqda dəqiq bilgi yoxdur. Ehtimal etmək olar ki, Aİ görüşü sammit çərçivəsində ikitərəfli görüş statusundan çıxararaq, ayrıca görüş kimi keçirilməsinə qərar verib.

Rusiya XİN də Brüssel görüşü haqda gözləntisini açıqlayıb. XİN-in rəsmi nümayəndəsi Mariya Zaxarova “Rusiya ümidvardır ki, Azərbaycan və Ermənistan liderlərinin Brüsseldə keçirilməsi nəzərdə tutulan görüşündə üçtərəfli razılaşmaların icrasına sadiqlik təsdiqlənəcək”, deyib. Diplomat daha sonra deyib: “Biz Ermənistan-Azərbaycan münasibətlərinin normallaşdırılmasına yönələn hər cür səyləri alqışlayırıq. Biz Azərbaycan və Ermənistan liderləri arasında müntəzəm əlaqələrin davam etməsini vacib sayırıq və iki dövlətin rəhbərinin Brüsseldə nəzərdə tutulan görüşünün yekunları üzrə üçtərəfli razılaşmaların icrasına sadiqliyin təsdiqlənəcəyinə ümid edirik”.

25 gündür ki, bu mövzu haqda ən müxtəlif iddialar, şərhlər verilir. Bəzi yerli və əcnəbi politoloqlar bildirir ki, N.Paşinyan Brüsseli Moskvadan fərqli olaraq “öz meydançası” hesab edir və bu səbəbdən Paşinyan Avropada bütün səylərini o istiqamətə yönəldəcək ki, ATƏT-in Minsk Qrupunun regiona səfərləri üçün İlham Əliyevdən razılıq alsın. Bunun qarşılığında Əliyev, heç şübhəsiz, sərhədlərin müəyyənləşdirilməsi və çəkilməsini, “Zəngəzur dəhlizi”nin açılmasını tələb edəcək və ATƏT-in Minsk Qrupunun da uzaqbaşı bu məcrada fikir bildirməsinin mümkünlüyünü ifadə edəcək. Qarabağda yaşayacaq ermənilərin statusunun hər hansı şəkildə müzakirəyə çıxarılacağı isə gözlənilmir. Rusiyanın mövqeyindən də aydın görünür ki, Paşinyan üçün “qırmızı xətt” müəyyənləşdiriblər. Təsadüfi deyil ki, XİN rəsmisi “görüşün yekununda üçtərəfli razılaşmaların icrasına sadiqlik təsdiqlənəcək” fikrini işlədib. Bu o deməkdir ki, Moskva Paşinyana Brüselldə “həddini aşmaması”, son olaraq 26 noyabr Soçi razılaşmalarını pozmamaq barədə xəbərdarlıq edib.

Видео Kritik görüşə saatlar qalıb – ermənilərin sürprizi nə ola bilər? – Elxan Şahinoğlu “Canlı debat”da канала Tv Musavat