5មករា ខួបអាពាហ៍ពិពាហ៍ពុកម៉ែ | Cambodian Prime Minister Hun Sen To mark Anniversary Of His Wedding...

បទ ៖ ៥ មករា ខួបអាពាហ៍ពិពាហ៍ពុកម៉ែ
នៃចំណងអាពាហ៍ពិពាហ៍របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជាមួយគូស្រករ ១២គូផ្សេងទៀត ដែលរៀបចំដោយខ្មែរក្រហម។

អាពាហ៍ពិពាហ៍ក្រោមរបបអាវខ្មៅ ជាអាពាហ៍ពិពាហ៍ ដ៏សែនសោះកក្រោះគ្មានឡើយសម្លៀកបំពាក់ប្រពៃណី គ្មានឡើយភ្លេងបាយខុនចងចៃ គ្មានឡើយភ្លេងព្រះថោងតោងស្បៃ គ្មានការអញ្ជើញចូលរួមពីសាច់ញាតិ ហើយក៏គ្មានការអញ្ជើញចូលរួមអបអរសាទរពីមិត្តភក្តិនោះឡើយ។ ពោលឈុតអាពាហ៍ពិពាហ៍មានតែអាវខ្មៅ និងមានតែអង្គការប៉ុណ្ណោះធ្វើជាសក្សី នៃអាពាហ៍ពិពាហ៍នេះ។

ក្រោយអាពាហ៍ពិពាហ៍គ្មានឡើយរាត្រីទឹកឃ្មុំ ឬក៏ដំណើរកម្សាន្តទៅកាន់តំបន់កម្សាន្តនានា ដូចគូស្វាមីភរិយានាពេលបច្ចុប្បន្ន។ ក្រោយការរៀបការគ្មានការជួបជុំពិសារភោជនាហារ​អបអរសាទរនោះឡើយ។ រយៈពេលប្រមាណ ២៨ម៉ោង ក្រោយរៀបការទើបគូស្នេហ៍មួយគូនេះ បានអាហារពេលល្ងាច ជាអាហាររៀបចំឡើងដោយប្រជាពលរដ្ឋ។

រាត្រីទឹកឃ្មុំរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានធ្វើឡើងនៅលើ​ផ្ទះមួយ​ដែលអង្គការបានរៀបចំជូន។ នៅក្នុងផ្ទះផ្សំដំណេកដែលអង្គការបានរៀបចំនោះ ត្រូវសម្រានពីរគូ គឺគូទី១២ និងគូទី១៣ ដែលជាសម្តេច និងសម្តេចកិត្តិព្រឹទ្ធបណ្ឌិត។

មានគូស្រករខ្មែរជាច្រើនត្រូវបានរៀបចំឡើង និងផ្គូរផ្គងដោយខ្មែរក្រហម ទាំងពួកគេមិនបាន​ស្រឡាញ់​គ្នា។ លុះក្រោយពេលរបបខ្មែរក្រហម ត្រូវវាយបំបែកនៅថ្ងៃទី០៧ ខែមករា ឆ្នាំ១៩៧៩ មានគូស្រករខ្លះ ក៏បានសុំបែកគ្នាទៅវិញ។

ដោយឡែកស្នេហាសម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ដែលកើតចេញពីបេះ​ដូង និងមានប្រវត្តិជូរចត់យ៉ាងច្រើននោះ នៅតែស្ថិតស្ថេរជាអមតៈ។ ចំណងដៃនៃអាពាហ៍​ពិពាហ៍ ក្នុងគ្រាប្រទេសមានសង្គ្រាមនេះ សម្តេចទាំងពីរទទួលបានបុត្រចំនួន៦រូប តែមួយរូបត្រូវបានស្លាប់ពេលចាកចេញពីផ្ទៃភ្លាមៗមកម្ល៉េះគឺ «ហ៊ុន កម្សត់»។

មរតកនៃចំណងស្នេហ៍ដ៏ស្មោះសនេះ បច្ចុប្បន្នសម្តេចតេជោ និងសម្តេចកិត្តិព្រឹទ្ធបណ្ឌិត មានបុត្រ​ចំនួន ៥នាក់ (ប្រុស៣នាក់ ស្រី ២នាក់) និងមានចៅ ២២នាក់ (ប្រុស ១២នាក់ ស្រី ១០នាក់)។ ចៅទី២២ បានប្រសូត្រនៅថ្ងៃទី០៣ ខែមករា ឆ្នាំ២០២១។ ចៅទី២២ ជាបុត្រីរបស់លោក​ឧត្តម​សេនីយ៍ឯក ឌី វិជ្ជា និងលោកស្រី ហ៊ុន ម៉ាណា អគ្គនាយិកានៃអគ្គនាយកវិទ្យុ និងទូរទស្សន៍បាយ័ន។

សម្តេចតេជោ ហ៊ុន សែន ធ្លាប់បានគូសបញ្ជាក់ថា ទោះបីចំណងអាពាហ៍ពិពាហ៍កើតឡើង​ក្នុងកាលៈទេសៈកម្សត់យ៉ាងណាក៏ដោយ ឲ្យតែចេះថែរក្សាចំណងអាពាហ៍ពិពាហ៍នោះ​នឹងស្ថិតស្ថេរ និងមានសុខសុភមង្គលជារៀងរហូត។

ខាងក្រោមនេះជាប្រវត្តិស្នេហ៍ដ៏ផ្អែមល្ហែមផង និងជូរចត់ផង ក្នុងគ្រាស្រុកមានសង្រ្គាមរវាងសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលសម្តេចតេជោធ្លាប់បានទម្លាយនាពេលកន្លងទៅ៖

ថ្ងៃទី៥ ខែមករា ឆ្នាំ១៩៧៦ ជាអាពាហ៍ពិពាហ៍របស់ខ្ញុំ និងភរិយា។ បើនិយាយពីជីវិតប្តីប្រពន្ធ វាជារឿងធម្មតាខ្លាំងណាស់សំរាប់ជីវិតមនុស្សទូទៅ តែសំរាប់ខ្ញុំ និងភរិយា វាជារឿងមិនធម្មតា ពេលខ្លះខ្ញុំគិតថា ចម្លែករហូតចាត់ទុកថាទេវតាផ្សំផ្គុំ ឬគូព្រេងទៀតផង។ ខ្ញុំគួរចាប់ផ្តើមពីចំណុចថា តើខ្ញុំនិងភរិយាស្គាល់គ្នា និងជួបគ្នាដោយរបៀបណា? គ្រូទស្សទាយតែងតែទស្សទាយឱ្យខ្ញុំថា គូព្រេងរបស់ខ្ញុំនៅក្រោមខ្សែទឹកហូរ ជារបៀបនិយាយ នៃអ្នកដែលរស់នៅតាមដងទន្លេមេគង្គមានន័យថា ភរិយាខ្ញុំនឹងមានទីលំនៅនៅក្រោមចរន្តទឹកហូរ តែផ្ទុយទៅវិញ ភរិយាខ្ញុំបែរជាមាន ទីលំនៅលើចរន្តទឹកហូរទៅវិញ។ ប្រៀបធៀបភូមិសាស្រ្តនៃភូមិពាមកោះស្នា ឃុំពាមកោះស្នា ស្រុកស្ទឹងត្រង់ ដែលជាភូមិកំណើតរបស់ខ្ញុំ និងភូមិរកាខ្នុរ ឃុំរការខ្នុរ ស្រុកក្រូចឆ្មា ដែលជាភូមិកំណើតរបស់ភរិយាខ្ញុំនៅម្ខាងទន្លេម្នាក់ឃើញថា ភូមិខ្ញុំនៅក្រោមខ្សែទឹក នៃភូមិភរិយាខ្ញុំ ៣ ទៅ ៥ គីឡូម៉ែត្រឯណោះ។

ពេលនេះ ខ្ញុំនិយាយដល់រឿងរ៉ាវ ដែលបានកើតក្នុងទំនាក់ទំនងរវាងខ្ញុំ និងភរិយាខ្ញុំ។ នៅប្រមាណដើមឆ្នាំ១៩៧៣ អង្គភាពរបស់ខ្ញុំ ត្រូវបានបញ្ជូនចេញពីស្រុកមេមត់ ទៅកាន់ស្រុកត្បូងឃ្មុំតាមដងទន្លេមេគង្គ មានឃុំជីរោ ឃុំបឹងព្រួល ឃុំពាមជីលាំង ឃុំថ្មពេជ្រ ឃុំស្រែសៀម។ល។ បន្ទាប់ពីបានប្រយុទ្ធនៅលើសមរភូមិជាច្រើន តាមផ្លូវជាតិលេខ៧ ក្នុងចន្លោះស្រុកស្នួល ខេត្តក្រចេះ មកស្រុកមេមត់ និងស្រុកពញាក្រែក ខេត្តកំពង់ចាម ដែលពួកខ្ញុំប្រយុទ្ធភាគច្រើនជាមួយកងទ័ពឈ្លានពាន វៀតណាមខាងត្បូង និងពេលខ្លះជាមួយកងទ័ពអាមេរិក និងវៀតណាមខាងត្បូងសំខាន់ក្នុងឆ្នាំ១៩៧០ ដល់ចុងឆ្នាំ១៩៧១។

ហេតុតែនិស្ស័យ ខំប្រឹងគេចវេស ទោះខ្ញុំត្រូវរបួសភ្លៅដោយអំបែងគ្រាប់ផ្លោងក្នុងអំឡុងខែវិច្ចិកា ឆ្នាំ១៩៧៣ ក៏ខ្ញុំមិនមកព្យាបាលនៅមន្ទីរពេទ្យស្រុកក្រូចឆ្មារដែរ ខ្លាចជួបមុខ រ៉ានី នេះ។ តែពាក្យចចាមអារ៉ាមកាន់តែធំទៅៗ ធ្វើឱយខ្ញុំរងក្តីអាម៉ាស់ប្រឈមនឹងបញ្ហាវិន័យកាន់តែខ្លាំង។ ចំណែកខាង រ៉ានី វិញកាន់តែធ្ងន់ធ្ងរជាងខ្ញុំទៅទៀត ព្រោះនាងជាមនុស្សស្រី បើមិនរងខាងវិន័យទេ ក៏មានផលប៉ះពាល់ខាងសីលធម៌ដែរ។ មនុស្សប្រុស ស្រី២នាក់ហើយសុទ្ធតែ ក្រមុំកម្លោះដូចគ្នា មិនដែលស្គាល់គ្នាតែមានការគិតដូចគ្នា គឺខ្ញុំបានស្នើសុំមេបញ្ជាការរបស់ខ្ញុំ បង សុខ សារឿន ដើម្បីទៅជួបដោះស្រាយផ្ទាល់នៅស្រុកក្រូចឆ្មារ។ ប្រហែល ២ ថ្ងៃក្រោយ រ៉ានី បានផ្តាំតាមអ្នកទទួលខុសត្រូវពេទ្យនៅសមរភូមិ ឱ្យខ្ញុំប្រញាប់ទៅកាន់ស្រុកក្រូចឆ្មារ ដើម្បីដោះស្រាយការយល់ច្រឡំនេះ។

ខ្ញុំទទួលបានព័ត៌មានពេលព្រឹក ពេលរសៀលខ្ញុំជួបបង សុក សារឿន មេបញ្ជាការរបស់ខ្ញុំ ទទូចសុំគាត់ឱ្យជូនខ្ញុំទៅស្រុកក្រូចឆ្មារនាពេលល្ងាចនោះតែម្ដង។ ដោយយល់ចិត្តនាយទាហ៊ានថ្នាក់ក្រោម ដែលជួយការងារគាត់យ៉ាងច្រើនលើការងារ ហើយប្រហែលជាគាត់កំពុងស្វែងយល់ចិត្ត និងសាច់ញាតិនារីម្នាក់ ដែលគាត់ស្រឡាញ់ផងដែរនោះ បង សុក សារឿន ក៏សំរេចចិត្តភ្លាមហើយចេញដំណើរភ្លាម ដែលដើមឡើយទាំងគាត់ ទាំងខ្ញុំ គិតថានឹងត្រឡប់មកវិញទាំងយប់។

ពួកយើងចេញដំណើរម៉ោងប្រហែលជិត ៣ល្ងាច ពីឃុំបឹងព្រួល ស្រុកពាមជីលាំង ទៅឃុំក្រូចឆ្មារ ស្រុកក្រូចឆ្មារ ដោយម៉ូតូហុងដា CL90។ សុំបញ្ជាក់ថា ក្រោយឆ្នាំ ១៩៧០ តំបន់រំដោះនាខេត្តកំពង់ចាមត្រើយខាងកើតទន្លេមេគង្គ គឺជាផ្នែកមួយនៃភូមិភាគបូព៌ាទិស ២០៣ តំបន់ដែលខ្ញុំរស់នៅគឺតំបន់ ២១ ដែលនៅខាងជើងផ្លូវជាតិលេខ ៧។ រីឯខាងត្បូងផ្លូវជាតិលេខ ៧ គឺជាតំបន់ ២០។ ខេត្តកំពង់ចាមត្រើយខាងលិចជាភូមិភាគ ៣០៤ ដោយយកទន្លេមេគង្គ ជាព្រំ....

Видео 5មករា ខួបអាពាហ៍ពិពាហ៍ពុកម៉ែ | Cambodian Prime Minister Hun Sen To mark Anniversary Of His Wedding... канала Old Stories In The World