Перзентханадағы жүкті әйелдер неге қараусыз?

Осы аптада бір ғана Алматыда екі бірдей жас босанған келіншектің қазасы туралы ақпарат тарады. Бірі небәрі 25 жаста, екіншісі 26 жаста. Алина Бақытжанованың алдымен сәбиі шетінеп, бір күннен соң өзі қайтыс болған. Ал, Маликам Магилланованың артында нәресте қалды. Алматы облысы, Талғар аудандық перзентханасында босанған Салтанат Шайғожанованың айы-күні жетіп, дүниеге әкелген сәбиі шетінеп кетсе, Қарасай аудандық перзхентханасында жатқан Салтанат Сабазованың сәбиі жансақтау бөлімінде жатыр. Жағдайы тым ауыр. «Сөздің шыны керектің» бүгінгі кейіпкерлері болған жайттарға ақ халаттыларды кінәлап отыр.((4)) Салмағы үлкен сәбидің дүниеге келетінін тоғыз ай бойы дәрігерлердің байқамай қалуы мүмкін бе? Ал, науқас жатқан жансақтау бөліміне тауық кіргізіп, ұшықтап емдеуге рұқсат берген дәрігерлердің не ойлағаны бар? «Еңбектеп барып, аяғын құшақтап, мені босандырып алыңыздаршы?» деп жанұшырған келіншек сәбиін жоғалтып алғанда, «Күнді көріп тұрсың ба? Рахмет айт» деп жұбатып жүрген медқызметкердің негізгі жұмысы қандай? Босандыру залында акушер дәрігердің ұйықтап жатқаны қаншалықты рас? Елімізде ана өлімі неге тым көбейіп кетті? Бүгін «Сөздің шыны керекте» осы сауалдарға жауап іздейміз.
#cөздің_шыны_керек #Ирина_Советжанқызы

Видео Перзентханадағы жүкті әйелдер неге қараусыз? канала Информбюро 31